Июньнең беренче атнасы тәмамланды, ә Татарстанда су коенырга урын юк

Июньнең беренче атнасы тәмамлана, ә Татарстанда су коенырга урын юк. Роспотребнадзор идарәсе әле бер санитар-эпидемиологик рөхсәт тә бирмәгән. Башкала ике елга тоташкан урында - Казансу белән Идел буенда утыра, күлләре бихисап, Чулман сулары Чаллы ярларын юа, сусаклагычы бар. Әмма әлегә халык суга карап кына утыра ала.

Бу нәрсә дигән сүз? Республикада җәйге ял инфраструктурасы проблема кичерә. Ни өчен бу әһәмиятле мәсьәлә һәм аңа Республика җитәкчелеге ел саен игътибарны арттыруны сорый? Чөнки шартлары булмаган урында кеше гомерләре өзелә. Узган ел һәлак булган 44 кешенең 43е эшләргә рөхсәте булмаган сулыкта бата.

2018нче елдан бездә пляжлар ике тапкырга күбәйгән. Соңгы 4 елда яңа 29 урын барлыкка килә, быел тагын 4әү ачылачак. Ял инфраструктурасына караш, шәхси эшмәкәрләрнең бу бизнеска керергә ашыкмавы һәм елгалар пычраклыгының бу мәсәләг йогынтысы - Алия Сабирова материалында.