Йөрәк авыртуга түзеп тору тормыш өчен куркыныч - белгеч фикере

Йөрәк авыртуына игътибар итмәү тормышыңа куркыныч янауга китерә, дип белдерә Татарстан табиблары. Йөрәк авыртуы кан тамырларының кинәт кенә кысылуы яисә тыгылуы аркасында килеп чыга, дип хәбәр итә Татарстан Сәламәтлек саклау министрлыгы матбугат хезмәте.

Шуның белән бергә йөрәк мускулы (миокард) тиешенчә эшли алмый алмый, кислород җитешми һәм авырту барлыкка килә. Әгәр дә авырту тукталмаса, йөрәк мускулына тиешле микъдарда кан килми һәм миокард инфаркты барлыкка килә.
Табиблар йөрәк өянәге вакытында күкрәк өлешендә авырлык, кысылу, басылу сизелүен, кайвакыт авырту муенга, кулларга, ияккә күчүен дә белдерә. Өянәк вакытында хәлсезлек, күңел болгану, тирләү дә күзәтелергә мөмкин.

“Йөрәк өянәге вакытында авырту 5 минутлап дәвам итә, әмма аның узганын көтмәскә, дәвалау чарасына шунда ук керешергә кирәк. Тиз арада ашыгыч ярдәм чакыртканда, үлем ихтималын күпкә киметергә мөмкин”, дип җиткерә табиблар.
Алар сүзләренчә, ярдәм көткәндә утырып яки ятып торырга, башны югарырак тотып, слышны иркенәйтергә кирәк.

“ 0,25 г аспиринны йотарга яки чәйнәргә яисә 0,5 мг нитроглицеринны (таблетка яки капсуланы (тишеп) тел астына салырга кирәк. Авырту 5 минуттан артык басылмаса, икенче кат нитроглицерин кулланырга кирәк”, дип киңәш бирә Татарстан Сәламәтлек саклау министрлыгы белгечләре.