Илсөя Бәдретдинова: "Әнигә "кызың мөстәкыйль рәвештә сулый алмаячак" дигәннәр һәм ул.."

Татарстанның атказанган артисты Илсөя Бәдретдинова үзенең сабый чагында булган авыруы турында сөйләде. "8 айдан 1 800 грамм авырлыкта ике үпкәмдә дә начар чир белән туганмын. Бик озак вакыт ясалма сулау аппаратында ятканмын. Әни кичтән ике табиб кереп: "Гөлсинә апа, син тынычлан, елама, кызың мөстәкыйль рәвештә сулый алмый, суламаячак та, аппараттан өзәбез, син әкрен генә өеңә кайт, бүгеннән дә калмас кызың", дип әйттеләр дип сөйли иде. Балага спирт тиз сеңә дип, әни әтинең самогонын җылытып, шуңа төреп, юрган белән каплап, урамга чыгып йөгергән. Әни: "Алты сәгать буе өйгә керә алмадым. Бишегең яныңа утырып, кызым бәхил бул, очрашканчыга кадәр дип сөйләнә-сөйләнә юрганыңны ачсам, кычкырып ашарга сорап ятасың", - ди. Туганнан ук тормышка ябышырга тиеш булган инде ул күрәсең", - дип сөйли җырчы үзенең телеграм каналында. Источник: https://tnv.ru/tat/news/show-business/327802-ils-ya-b-dretdinova-nig-kyzy-m-st-kyyl-r-vesht-sulyy-almayachak-dig-nn-r-m-ul-/ Фото: скриншот клипа