Идел буе Болгар дәүләтендә Ислам кабул итүгә 1100 тулу уңаеннан яңартылган “Казан басма"сы һәм аның компьютер шрифты дөнья күрде
20 мая 2022
ТАТАРСТАН ЯҢАЛЫКЛАР
Татарстан мөселманнары Диния нәзарәте яңартылган «Казан басма"сының электрон нөсхәсен һәм компьютер шрифтын гомумкулланышына тапшырды. Бу хакта рәсми рәвештә Татарстан мөфтие Камил хәзрәт Сәмигуллин Идел буе Болгар дәүләтендә Ислам динен кабул итүгә 1100 тулу уңаеннан Казанда Җәмигъ мәчете төзелеше урынында җомга намазында һәм Татар дин әһелләре форумының пленар утырышы барышында белдерәчәк.
Яңартылган «Казан басма» — Идел буе Болгар дәүләтендә Ислам динен кабул итүнең 1100 еллыгы кысаларында Татарстан мөфтиятенең иң төп проектларының берсе, ул Коръәнне бастыруның мәшһүр татар традицияләре торгызылуын ачык дәлилли. «Казан басма» — 1803 елда «Ар-Расм Әл-Усмани» стандартына туры китереп Казанда басылган, бар мөселман дөньясында дини җәмәгатьчелек тарафыннан танылу алган беренче басма Коръән. Аңа кадәр Коръән Европада һәм Петербургта басылып чыккан була. Әмма, «Казан басма"дан аермалы буларак, алар, Коръәннең асыл текстыннан тайпылышлар булу аркасында, фәнни кыйммәткә ия булмый. Башка ислам илләрендә Коръән бары 100 елдан соң гына күпләп басыла башлый.
«Казан басма» үзенчәлекле шрифтка ия булу сәбәпле дөньякүләм танылу ала. Безнең чорда ул төрле елларда күп тапкырлар репринт сыйфатында басыла. Идел буе Болгар дәүләтендә Ислам динен кабул итүнең 1100 елында Нәзарәт белгечләре «Казан басма"сының тарихи типографик эзеннән (оттискысыннан) шул ук исемдәге компьютер шрифты ясады, аннары Коръән текстын «Казан басма» компьютер шрифты ярдәмендә яңадан җыйды һәм, революциягә кадәрге күренекле татар галимнәре Шиһабетдин Мәрҗани һәм Муса Бигиевның искәрмәләрен исәпкә алып, заманча халыкара стандартларга туры китереп әзерләде. Шулай итеп, яңартылган «Казан басма"сы инкыйлабка кадәрге оригинал шрифтларның чын тарихи йөзен саклап калды һәм югары сыйфатлы итеп бастырылган.
Аларны түләүсез рәвештә Татарстан Республикасы мөселманнарының Диния нәзарәте сайтында уң як өлештәге махсус банерга басып йөкләргә мөмкин, дип хәбәр дини оешманың матбугат хезмәте.
Фото: dumrt.ru
tnv.ru
Яңартылган «Казан басма» — Идел буе Болгар дәүләтендә Ислам динен кабул итүнең 1100 еллыгы кысаларында Татарстан мөфтиятенең иң төп проектларының берсе, ул Коръәнне бастыруның мәшһүр татар традицияләре торгызылуын ачык дәлилли. «Казан басма» — 1803 елда «Ар-Расм Әл-Усмани» стандартына туры китереп Казанда басылган, бар мөселман дөньясында дини җәмәгатьчелек тарафыннан танылу алган беренче басма Коръән. Аңа кадәр Коръән Европада һәм Петербургта басылып чыккан була. Әмма, «Казан басма"дан аермалы буларак, алар, Коръәннең асыл текстыннан тайпылышлар булу аркасында, фәнни кыйммәткә ия булмый. Башка ислам илләрендә Коръән бары 100 елдан соң гына күпләп басыла башлый.
«Казан басма» үзенчәлекле шрифтка ия булу сәбәпле дөньякүләм танылу ала. Безнең чорда ул төрле елларда күп тапкырлар репринт сыйфатында басыла. Идел буе Болгар дәүләтендә Ислам динен кабул итүнең 1100 елында Нәзарәт белгечләре «Казан басма"сының тарихи типографик эзеннән (оттискысыннан) шул ук исемдәге компьютер шрифты ясады, аннары Коръән текстын «Казан басма» компьютер шрифты ярдәмендә яңадан җыйды һәм, революциягә кадәрге күренекле татар галимнәре Шиһабетдин Мәрҗани һәм Муса Бигиевның искәрмәләрен исәпкә алып, заманча халыкара стандартларга туры китереп әзерләде. Шулай итеп, яңартылган «Казан басма"сы инкыйлабка кадәрге оригинал шрифтларның чын тарихи йөзен саклап калды һәм югары сыйфатлы итеп бастырылган.
Аларны түләүсез рәвештә Татарстан Республикасы мөселманнарының Диния нәзарәте сайтында уң як өлештәге махсус банерга басып йөкләргә мөмкин, дип хәбәр дини оешманың матбугат хезмәте.
Фото: dumrt.ru
tnv.ru
Башка яңалыклар
Загрузка
ООО "Сельхозснаб"
Агро-Простор
АГРО-РОСТ
АО СЕТЕВАЯ КОМПАНИЯ
АРСКИЕ УСАДЬБЫ - СЕТЬ БАНКЕТНЫХ ЗАЛОВ
Дамилк Агро
ИП Набиуллин И.Х.
Общественный Фонд татарской культуры Республики Татарстан имени Рашита Вагапова
ПАО "Таттелеком"
Производственная компания «Агромастер»
РАДУЙ
РМЗ- Кузембетьево
Санаторий "Бакирово"
СМУ-88
СОЛИДКОРМ
ТАМЛЕТТО
Теплица
ТЦ ПОРТ
ФК РУБИН
ЭНЕРГОБАНК
