Газ шартлавы нәтиҗәсендә зыян күргән ир-ат вафат булды

Газ шартлаудан соң килеп чыккан янгын вакытында зыян күргән кеше 28 март иртәсендә Республика клиник хастаханәсендә үлгән. Билгеле булганча, зыян күрүче 25-нче номерлы фатир хуҗасы булган. Нәкъ ул йортта янгын башланган.

ТР сәламәтлек саклау министрлыгы матбугат хезмәте хәбәр иткәнчә, 38 яшьлек ир-ат кеше кичерә алмаслык имгәнүләр аркасында үлгән. Ул 2−3 дәрәҗәдәге пешүләр алды.

Исегезгә төшерәбез, TNV.ru хәбәр иткәнчә, кичә Казанда Җиңү проспекты, 34 адресы буенча көчле янгын чыкты. Мәгълүматларга караганда, янгын көнкүреш газы шартлау аркасында килеп чыккан. Янгынның мәйданы 80 кв. м. тәшкил иткән.

РКБда үлгән ир-ат янгында зыян күргән бердәнбер кеше иде. Ул үз фатирының балконыннан чыгып, күршесе астарак балконына күчкәч, мөстәкыйль чыгып китә. Шуннан соң аны РКБ реанимация бүлегенә бик авыр хәлдә китерделәр. Табиблар аның гомере өчен көрәште, әмма ирне саклап кала алмады.