Фәрит Мөхәммәтшин: Татар театрында Марсель Сәлимҗанов мәктәбе дәвам итсен
«2015 елда Президентыбыз Марсель Сәлимҗанов исемендәге премиянең гамәлгә куелуы турында указ чыгарган иде. Конституциябез көнен бәйрәм иткән көннәрдә өченче тапкыр премияне тапшырабыз. Марсель Сәлимҗанов гомере буе туган халкына, югары сәнгатькә хезмәт итте. Кызганыч, ул арабыздан иртә китте», - диде Фәрит Мөхәммәтшин.
«Марсель Сәлимҗанов татар театры сәнгатен Россиягә һәм чит илләргә танытты, татар театрын төрки дөньядагы иң яхшы театр дәрәҗәсенә ирештерде. Бөек драматургыбыз Туфан Миңнуллин белән хезмәттәшлек итеп, татар театрының алтын баганасы булдылар. Куелган һәр спектакль мәдәни вакыйга булды», - диде ул.
Фәрит Мөхәммәтшин Камал театрының хәзер дә аларның эшен лаеклы дәвам итүен, тамашачы хәзер дә зал тутырып йөрүен әйтте. «Сез халкыбызга тарихыбызны да, әдәби мирасыбызны да, милли рухыбызны да җиткерүчеләр. Сез туган телебезне саклаучылар. Марсель Сәлимҗанов мәктәбе дәвам итсен!», - диде ул.
Марсель Сәлимҗанов исемендәге республика премиясе быел Муса Җәлил исемендәге Татар дәүләт опера һәм балет театры солисты, “Сөембикә” операсында төп партияне башкарган Гөлнора Гатинага, Камал театры актеры, Татарстанның атказанган артисты Фәнис Җиһаншага һәм “Сәхнә” журналының баш мөхәррире, язучы Зиннур Хөснияргә тапшырылды.
Фәнис Җиһанша премияне кабул итеп алганда театрда премиягә лаеклы артистлар күп булуын искәртте. Актер тамашачысын 4 декабрьдә «Хуҗа Насретдин» спектакленә чакырды, спектакльнең ул көнне соңгы тапкыр уйналасын хәбәр итте. «Бу – хушлашу спектакле була һәм мин «Хуҗа Насретдин»дагы уенымны Марсель Сәлимҗановның якты истәлегенә багышлыйм», - диде ул.
Марсель Сәлимҗанов исемендәге республика премиясе күренекле режиссер, Станиславский исемендәге РСФСР дәүләт премиясе һәм Тукай исемендәге дәүләт премиясе лауреаты Марсель Сәлимҗановның исемен мәңгеләштерү максатыннан 2014 елда гамәлгә куелды. Премия ике елга бер мәртәбә өч кешегә бирелә.
Камал театры 2002 елдан бирле ел саен Марсель Сәлимҗановның туган көнендә премьера чыгара. Быелгы премьера - «Санаулы кичләр» спектакле. Режиссер – Айдар Җаббаров. Спектакльне ТР Дәүләт Советы Рәисе Фәрит Мөхәммәтшин, ТР мәдәният министры Ирада Әюпова, Марсель Сәлимҗановның хатыны Гөлнар Сәлимҗанова һәм башкалар карады.
Марсель Сәлимҗановка исән булса, быел аңа 85 яшь тулган булыр иде.
("Татар-информ")
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
