Декретта Алия Төхвәтуллина ире Ришатны гастрольгә җибәргәндә көнлиме?

Татарстанның атказанган артисты Ришат Төхвәтуллин эстрадада кызлар ягыннан иң чибәр дип танылган асыл егетләребезнең берсе. Хатыны Алия ШАЯН ТВ каналында чыгучы "МАРШРУТка" тапшыруында көнләшүгә ничек каравын сөйләде.

"Йөргән кызы бар икәнен белә торып та, кайбер кызлар өмет бар дип уйладылар. Башта бик сәер кабул иттем, хәзер ияләштем инде. Туйдан соң, бала тугач та, кызлар тынычланды. Аның тирә-янында чибәр кызлар күп иде, алар ягыннан игътибар да сизелә иде", - дип сөйләде җырчы.

Алия сүзләренчә, ул Ришатны гострольләргә җибәргәндә көнләшми. "Ришат улыбызны бик ярата. Киткәндә дә күзләр яшьләнә, гострольләр вакытында да ярты сәгать саен хәл сорашып тора, сагына. Гаиләдә кемдер булса да эшләргә тиеш. Мин бик тыныч", - диде ул.



 Источник: https://tnv.ru/tat/news/show-business/416474-dekretta-aliya-t-khv-tullina-ire-rishatny-gastrolg-ib-r...