Данис Зарипов “Ак барс” өчен рекордлы 141нче алкасын кертте
“Ак Барс” хоккей командасы һөҗүмчесе Данис Зарипов бүгенге уенда рекорд куйды, хәзер ул Континенталь хоккей лигасы тарихында “Ак Барс” өчен иң күп алка кертүче хоккейчы. Аның исәбендә 142 алка, моңа хәтле бу рекордка 140 алка белән Алексей Морозов ия иде.
28 ноябрь көнне Казанда узган “Ак Барс” – “Торпедо” матчында Данис Зарипов шулай ук үзенең рекорды белән истә калган иде, ул Россия чемпионатларында уздырган уеннар санын 1164кә җиткерде. Хәзер Данис Зарипов исәбендә 1183 матч.
Беренче период. Өченче минутта “Ак Барс” һөҗүмчесе Данис Зарипов үзенең рекордлы алкасын кертте, бу уенның беренче алкасы хоккейчы Данис Зариповның КХЛда “Ак Барс” өчен керткән 141нчесе булды (1:0).
Икенче период. Унберенче минутта Владимир Ткачёв “Ак Барс” өчен гол кертте (2:0).
Өченче период. Өченче минутта “Торпедо” хоккейчысы Роберт Саболич исәптәге аерманы киметте (2:1). Период ахырында “Торпедо”ның ике хоккейчысы кагыйдә бозды һәм командаларга бишкә-өч форматында уйнарга туры килде, әле ул вакытта көндәш команда уенчысының кәшәкәсе ватылды бишкә-өч форматы бишкә-икегә калды. Шул вакытта Данис Зарипов бу уенда “Ак Барс” өчен икенче алкасын кертте.
Унтугызынчы минутта “Ак Барс” һөҗүмчесе Станислав Галиев алканы буш капкага кертте (4:1). Уен тәмамланырга санаулы секундлар калганда Вячеслав Основин Данис Зарипов бәрүеннән соң гол кертте (5:1).
Командалар составы:
“Ак Барс”:
Подъяпольский (Шарыченков)
Секач – Ландер – Азеведо, Яруллин – Марков;
Зарипов – Основин – Лукоянов, Постма – Лямкин;
Галиев – Попов – Ткачёв, Юдин – Манухов;
Глухов – Свитов – Михеев.
“Торпедо”:
Браст (Мольков);
Паршин – Галузин – Җәфәров, Орлов – Баранцев;
Варнаков – Миле – Кейлоф, Холь – Назаревич;
Саболич – Сёмин – Шенфельд, Аляев – Волченков;
Ураков – Макаренко – Веряев (Смолин), Родионычев.
Киләсе уенны “Ак барс” Казанда “Татнефть-Арена” боз сараенда Мәскәүнең “ЦСКА” командасына каршы үткәрәчәк. “Ак Барс” – “ЦСКА” матчы 13 февраль 19:30 сәгатьтә башлана.
("Татар-информ")
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
