Чират җитсен өчен

"Бала тууга бакчага чиратка басабыз, 3 елдан соң да эләгүебезгә ышаныч юк". Казанның яңа торак комплексларында яшь әти-әниләр балалар бакчаларында урын җитмәүгә зарлана. Гәрчә, соңгы 10 ел эчендә республикада 267 яңа бакча төзелгән, 43 мең урын булдырылган. Көтүчеләр өчен сөенеч бар. Быел бакчалар төзү өчен 3 миллиард сумнан артык акча бүленгән. Алар 6 мең баланы бакчалы итәчәк. Татарстанның кайсы шәһәрләрендә, ничә балалар бакчасы салыначак?

Игезәкләр Азалия белән Амелиягә декабрьдә 2 яшь тулган. Быел 3 була. Бакчага барыр вакыт. Тууга чиратка бассалар да, аның килеп җитәсенә әниләре шикләнә.

Гөлназ НИГЪМӘТУЛЛИНА :
- Без 46- 47 урында торабыз, безнең очередь артка бара. 4 яшь тулганда гына эләгербез дип уйлыйм, эшкә чыгарга кирәк бит инде 3 тулгач, эштән увольняться итәргә кирәк булачак дип уйлыйм.

"Весна" торак комплексында 3 бакча эшли. Анда 931 бала йөри. Тагын 350 бала чират көтә. Яше җиткәннәрне я шәхси бакчага бирәләр, я шәһәрнең икенче башына йөртәләр.

Василә ФӘЙЗУЛЛИНА:
- Частный садикка монда урыннар юк әле.

Ханә СӨЛӘЙМАНОВА:
- Олысына урын юк ансын еракка йөртәбез, 333 садикка Мавлютовага.

Веснага терәлеп торучы Константиновка бистәсендә дә шундый ук хәл.

Венера ТАҺИРОВА :
- Монда бер генә садик, блиңайшее светлая долина белән Веснада. Анда эләгеп булмый, без светлая долинада тордык, 130 нчы идек селкенми чират.

Монда балалар бакчасы проблемасы тагын да катгый булып чыкты. Ташламалы категориягә эләгеп, чираты җитүче балалар да өй янындагы бакчага йөри алмый. Еракка йортергә мәҗбүрләр.

Алинә ГАЛИУЛЛИНА :
- Без большие Клыкига эләктек иртүк пробкаларда утырабыз. Безнең бу комплекста балалар бик күп, садиклар бик бәләкәй эләгеп булмый һәм бик кирәк яңа сакдиклар.

Яңа бакчалар Салават Күпере микрорайонына да кирәк. Монда әлегә 419 бала чиратта тора. Яңа йортлар кулланылышка тапшырылса, артачаклар. Әлегә 5 бакчага 1816 бала йөри.

Фәйрүзә МӘҖИТОВА (
- Төзелеш министрлыгы мәгълүматы буенча быел Татарстанда 16 балалар бакчасы төзелергә тиеш. Бу 6 мең яңа урын дигән сүз. Бакчаларны Казан Чаллы, Алабуга, Әлмәттә салырга планлаштыралар.

Демография илкълщм проекты буенча Казанда 7 бакча сафка басарга тиеш. Бу Совет районындагы Весна - 2, Лето, Светлая долина, Арт сити торак комплекслары, Константиновка бистәсе. Идел буе районында Новые горки, Киров районында Салават күпере микрорайоны.

Илшат ГИМАЕВ, Татарстанның төзелеш, архитектура һәм торак коммуналь хуҗалыгы министры урынбасары:
- Ясельный граппалар да төзеләчәк, 2 яшь тулганнар, 50 гә 50 була инде.

Бу корылмаларда әле төзелеш башланмаган. Бүген рөхсәт документлары, нигез ташларын салу өчен урын әзерләнә. Зур төзелешләр җәй буе дәвам итеп, көзгә төгәлләнер дип көтелә.

tnv.ru