Cайлау кампаниясе: кемнәр Рәис командасында булып, Татарстан командасын тәкъдим итә?

Атнаның төп сәяси вакыйгасы — Республикада сайлау алды кампаниясе башланып китте. Рөстәм Миңнехановны үзләреннән кандидат буларак «Бердәм Россия» партиясе инде тулысынча раслады һәм пәнҗешәмбе көнне аның ышанычлыларыннан торган Иҗтимагый штаб эшли башлады.

Анда — 28 кеше! Рөстәм Миңнеханов: мин — сезнең җыелма образ, диде. Составын карасак, бик актив үсештә булган Республиканың төрле тармакларыннан тупланган шәхесләрне күрербез. Минемчә, Рәис җитәкчелегендә алар барысы бергә - Татарстан образын хасил итә. Киләчәккә ышанычлы караучылар, үз һөнәрендә үз урынын табучылар, яңалыкка омтылучылар, эчке тормышны яхшы белүчеләр, шул ук вакытта Республикада нигез булып саналган тотрыклылык һәм традицияне саклаучылар. Монда бик җитди социаль блок бар, хәрби юнәлеш — СВО белән бәйле вәкилләр, икътисад бн эшмәкәрлек, туган телләр, милли-мәдәни эшчәнлек көчле тәкъдим ителгән. Заманчадан — айти юнәлешне аерып чыгарырга була.

Рәиснең сайлау алды командасы — кемнәрдән тора? Гөлназ Сәйфетдинова бу атнаның сәяси яңалыгына шәхесләр аша карады.