Казан шәһәренең балет премьеры кичке уенда катнаша

Дүшәмбе, 20 нче июль, “Вечерняя игра” тапшыруында Татарстан Республикасының атказанган артисты, Муса Җәлил исемендәге Татар академия дәүләт опера һәм балет театрының премьеры Олег Ивенко катнаша.

Билгеле кунакның санап кителгән дәрәҗәләре арасында кемгәдер “премьер” исеме бик үк аңлашылып бетмидер. Премьер – ул классик, нео-классик репертуарларда, шулай ук заманча куелышларда балет труппаларында чыгыш ясаган иң югары һөнәри балет солисты дәрәҗәсе. Кыскача һәм аңлаешлы итеп әйткәндә, “Вечерняя игра” тапшыруына Казан балетының “патшасы” килә. Премьер Британия режиссеры төшергән "Белый ворон" фильмында Рудольф Нуриев ролен башкара. Кунак тантаналы фильмда төшүгә бәйле кичерешләре белән уртаклашырга уйлый һәм балет аксакалын фильмда гәүдәләндерүенең кыен һәм уңайлы яклары турында тулырак сөйләргә әзерләнә.

Атказанган артист һәм балет остасы үз уңышының серләрен телевизор караучылар белән дә уртаклашырмы? Премьер үзен балет сәнгатендә ничек бәяли?

Кызыклы һәм үткен сорауларга җавапны дүшәмбе, 24 нче июль, “Татарстан-Яңа Гасыр” телеканалында “Вечерняя игра” тапшыруын карап белегез. Тапшыру 22:10 сәгатьтә башлана.