Казан кинофестивалендә Милли бәйге җиңүчеләренә акчалата приз бирәләр

Татарстан фильмнары - тулы метражлы, кыска метражлы, документаль һәм анимацион фильмнар Милли бәйгесе кысаларында дүрт номинациядә көч сынаша. Болар – тулы метражлы милли һәм кыска метражлы нәфис фильмнар, документаль фильмнар һәм балалар өчен фильмнар.

Милли конкурс җиңүчеләре, башка номинацияләрлән аермалы буларак, акчалата премия дә ала. Бу призларның гомуми суммасы - 500 мең сум. Иң яхшы тулы метражлы фильм җиңүчесе - 200 мең сум, башка милли конкурс номинацияләре җиңүчеләре 100әр мең сум премия алачак.

Милли конкурста 2018 елда берьюлы төрле форматтагы 15 фильмны үзенә җыйган. Алар – Айдар Габдрахмановның “Яу”, Елена Ермолинаның "Гульназек - победитель дивов", Рамил Һадиуллинның "Я за отца досматриваю сны", Марсель Мәхмүтов һәм Рафил Галимуллинның "Свет веры", "Зачем я это делаю" (режиссеры – Alesha), Юрий Гвоздьның "Личное дело Фикрята Табеева", Зөфәр Хәйруллинның "Триптих", Сергей Киатровның "Век Татарстана", Даниил Фәйзрахмановның "Домой", Влада Васильеваның "Рабочий момент", Әмир Гатауллинның "Коран: от ниспослания до Казанского издания", Александр Ширмановның "На первый этаж", Рудольф Хайнуровның "Пять ответов до дна" һәм Нурания Җамалиның "Үксезләр» фильмнары. Тагын бер кинотасманы – "Чистополь. Из жизни малого города" фильмын Россия режиссеры Галина Долматова төшергән.

("Татар-информ")