Бу атнада Татарстанда эссе +36 градуска җитәчәк

Бүген Татарстан Гидрометүзәге атнадагы һава шартларына җентекле күзәтү ясадылар, аның нигезендә республикада һава +36 градуска кадәр кыздырачак.

Синоптиклар фаразлавынча, атмосфера фронты узганнан соң Татарстанга кабат антициклон йогынтысы таралачак, һәм 2 июльдән 4 июльгә кадәр Татарстан аның үзәк өлешендә урнашачак.

Коры эссе һава торышы фаразлана. Төнге сәгатьләрдә +13..+18 градустан +16..+21 градуска кадәр көтелә, 2-3 июльдә көндезге сәгатьләрдә +28..+ 34 градус көтелә, 4 июльгә температура + 31..+36 градуска кадәр күтәреләчәк. Бу чорда уртача температура нормадан 5-7 градуска югарырак көтелә.

ТР Гидрометүзәгенең фаразлавынча, бу эссе һава торышы атна ахырына кадәр сакланачак, җомга һәм ял көннәрендә урыны белән яшенле яңгырлар теркәләчәк.

Фото: freepik.com

Источник: https://tnv.ru/tat/news/tatarstan/400750-bu-atnada-tatarstanda-esse-36-graduska-it-ch-k/