Бензинга бәя кабат артты

Бензинга бәя кабат артты. Белгечләр раславынча, ул хәзер ярты елга бер тапкыр түгел, ә ай саен күтәрелеп тора. Шул рәвешле, ел башыннан кайбер урыннарда 50 тиенгә кадәр кыйммәтләнгән. Узган елның шушы чоры белән чагыштырганда, 92нче маркалы бензин 2 сумга кыйммәтрәк тора. Шул ук вакытта биржадагы күпләп сату бәяләре рекорд куя. Сәбәпләре нидән гыйбарәт?

Белгечләр билгеләп үткәнчә, гыйнвар аеннан республикада бензин бәясе 25-30 тиенгә арткан. Март урталарында ук бу саннарга тагын ун тиен өстәлде. Күп тә түгел кебек. Тик элек ягулык бәясе ярты елга бер кыйммәтләнсә, хәзер ай саен.

Зур булмаган ягулык салу станциялары хуҗалары аптырашта. Алар зыянга эшлибез диләр. Ягулыкка күпләп сату бәяләре рекорд куя.

Харис ГАЛИМУЛЛИН, ягулык компаниясе директоры:
-Күз алдыгызга китерегез әле, күпләп сату бәясе бер тонна өчен 11 мең сумга күтәрелде. Безгә бер сум күтәрү мөмкинлеге бирсәләр без моңа да шат, Зыянга эшләү яхшы нәрсә түгел бит.

Икътисадчылар бәяләр күтәрелү дөнья базарына бәйле ди. Ел башыннан нефтьнең бер барреле 50 доллардан 69 долларга кадәр арткан. Бу 40% ка якын.

- Ягулыкны күпләп читкә чыгару теләге эчке базарга тискәре йогынты ясады. Ил хөкүмәте, әлбәттә, бу мәсәне хәл итү өчен тиешле чаралар күрә.

Узган атнада хөкүмәттә ягулыкка бәяләр артуны туктату формуласының үзгәрүен хәбәр иттеләр. Аның нигезендә эчке базарны ягулык белән тәэмин итүче оешмаларга дәүләттән ярдәм күрсәтелә.

Роберт ГЫЙЛӘҖИЕВ, Татарстанда ягулык-энергетика ресурсларыннан рациональ файдалану һәм аларның сыйфатын тәэмин итү идарәсе башлыгы:
-Кыш айларында ягулык бәяләре болай артканы юк иде әле. Дөрес, бәяләр һәркайда артып торганда бездә генә артмый кала алмый.

Хөкүмәт ягулык салу станцияләрендә ваклап сату бәяләрен еллык инфляциядән дә югарырак күтәрмәү бурычын куя. Шул максаттан, бүген Россия вице-премьеры Александр НОвак зур нефть оешмалары белән киңәшмә үткәрә. Кайбер чыганаклар шундый мәгълүмат бирә.

tnv.ru