Австралия татарлары Татарстанда ике телне дә яхшы белергә кирәк дигән фикергә килде
Австралия татарлары вәкиле, шагыйрә Суфия Вәлиева Татарстанда татар телендә сөйләшеп, аңлашып була дигән фикердә. “Татарстанга иң беренче килгән вакытта мин тәрҗемәче аркылы булса да, татарча гына сөйләшеп йөрдем. Татар телендә сөйләшүчеләр башта аз булып тоелды. Мин русча сөйли алмыйм, шулай да, татарча җавап бирделәр, аңлаша алдык. Татарстанда кая гына барсам да, гел татарча сөйләшәм”, - диде ул.
Австралия татарлары вәкиле Айсылу Садри Татарстанда ике дәүләт телен дә белергә кирәк, дип исәпли. “Минемчә, Татарстанда татар телендә иркен сөйләшәләр, ләкин ике телне дә яхшы белергә кирәк. Татар кешесе бөтенесен дә белергә тиеш”, - дип сөйләде ул.
Австралия татарлары вәкиле Зөһрә Садри фикеренчә, Татарстанда яшәүче кеше рус телен дә, татар телен дә белергә тиеш: “Мин рус телен белмим. Бервакыт Татарстанга әти-әнием белән килдек тә китап кибетенә кердек. Сатучыларның үзара татарча сөйләшкәннәрен ишетеп, мин шундый шатланган идем. Әти-әнием рус телен белгәнгә күрә, кыенлык тумады. Минемчә, Татарстанда яшәүче кеше рус телен дә, татар телен дә яхшы белергә тиеш”, - диде ул.
Австралия татарлары вәкиле Мөшәрәф ханым сүзләренчә, дәүләт көчле булса, тел дә яшәячәк. “Австралиядә яшәгән татарларның тәҗрибәсенә караганда, без телне күбрәк гаиләдә һәм җәмгыятьтә сакларга тырышабыз. Мондагы яшьләр рус теленә җиңел күчкән кебек, Австралия яшьләре дә инглиз теленә бик җиңел күчә. Татарстан - безнең өчен зур таяныч, без аңа таянып яшибез. Минем фикеремчә, Татарстанда татар теле иң беренче урында торырга тиеш. Үзеңнең телең кулланылып торса, дәүләтең көчле булса, тел яшәр. Күбрәк татар телендә мультфильмнар, фильмнар чыксын иде дигән теләктә калабыз", - диде ул.
("Татар-информ")
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
