Апас районы Кече Болгаер авылында берьюлы җиде гармунчы мәйдан тотты
“Гармун моңы – йөрәк җыры” фестивале Апас районы мәдәният бүлеге фәрманы белән өченче тапкыр үткәрелә. Беренче тур авылларда узса, гармунчыларны алда зона һәм район этабы көтә.
“Әлеге бәйрәмгә теләп әзерләндек, шөкер, авылыбызда гармунчы-баянчылар бар икән әле. Күрше авыллардан да гармунчылар чакырдым, барысына да зур рәхмәт. Гармунны дусты иткән олысы-кечесе бәйрәмгә ашкынды, биетте дә, җырлатты да, - диде “Татар-информ” хәбәрчесенә Кече Болгаер авылы мәдәният йорты мөдире Хәлимә Айнуллина.
Хәлимә Айнуллинаның мәдәният йортын җитәкли башлавына быел 30 ел тула. Авылдашлар өчен ул һәрдаим төрле чаралар, концерт-спектакльләр оештыра, ансамбльләр һәм түгәрәкләр җитәкли.
“Әлеге бәйгенең максаты борынгыдан килгән гармун моңнарын, халык җырларын югалтмыйча, яшь буынга ишеттерү, тапшыру”, - диде Зур Болгаер авыл җирлеге башлыгы Зилә Сәйфуллина.
Бәйрәмгә авыл халкы гына түгел, кайткан кунаклар, күрше авыллардан да җыелдылар. Тамашачыларга Хәлимә Айнуллина, Ләлә Фәйзуллина, Гөлүсә Гайфуллина гармунга багышланган җырларын бүләк итте.
Күп төрле бәйгеләр лауреаты, лаеклы ялда булган ханымнардан оешкан “Ядкяр” ансамбле чыгышын тамашачылар җылы кабул итте.
Авылдашларыбыз Нурәхмәт Низамов, Рәшит Гәрәев, Айдар Хәйруллин, авылыбыз кияүләре Исхак Фәйзуллин, Альберт Насретдинов, күрше Тәтеш районы Әтрәч авылыннан Васил Юнысов һәм “Гармун моңы – йөрәк җыры” фестиваленең былтыргы лауреаты Рамил Зарифуллин кич буе җыелган халыкны җырлатты да, биетте дә.
“Бүген без яшьлеккә кайттык. Шул хәтле рәхәт, күзгә яшьләр килә. Безнең заманда караокелар юк иде, кичке уен булсын, бәйрәм булсын, гармунга биедек тә, җырладык та. Күр әле, гармунга нихәтле күңелле итеп җырлашып утырдык”, - диде Хәмдия Сабирова.
Килгән һәр тамашачы өчен самавырда кайнар чәй кайнады, кайнар коймак пеште. Рузилә Шакирова олысын-кечесен чәй эчертеп, кунак итте.
“Гармун моңы – йөрәк җыры” фестивале һәр авыл җирлегендә узып, 8 августта Иске Йомралы мәдәният йортында зона туры үтәчәк. Иң-иңнәр исә 30 август – республика көнендә Апаста Гала-концерт сәхнәсендә чыгыш ясаячак. Фестивальнең җиңүчеләре дә шул көнне билгеле була.
Апас районында 150гә якын гармунчы яши. Фестивальдә шуның 60тан артыгы катнаша.
("Татар-информ")
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
