Алсу Нәбиева: бүген республикада мобилизацияләнгәннәргә социаль ярдәм күрсәтүнең уннан артык чарасы гамәлдә
Махсус хәрби операция мәсьәләләре буенча эшче төркем башлыгы, «Бердәм Россия» Партиясенең Генераль советы секретаре Андрей Турчак Президентка эшче төркемнең махсус хәрби операция, сугышчыларны һәм аларның гаилә әгъзаларын социаль тәэмин итү мәсьәләләренә кагылышлы тәкъдимнәр белән эш төркеменең өченче докладын тәкъдим итте.
Беренче чиратта, сүз махсус операциядә катнашучыларның барысы өчен дә ярдәм итү шартларын тигезләү турында бара. Аерым алганда, бу аларның акчалата тәэмин ителешенә кагыла. Владимир Путин инициативаны хуплады. Ярдәм күрсәтүгә бердәм карашны шулай ук МХОда катнашучыларның гаиләләре өчен дә кабул итәргә кирәк, дип ассызыклады Андрей Турчак.
Эшче төркемнең чираттагы тәкъдиме балаларга түләүләр билгеләү өчен керемне билгеләгәндә хәрби һәм бүләкләүләр өчен түләүләрне исәпкә алмау, шулай ук сугышчыларны ялга җибәрү вакытында мәҗбүри медицина страховкасы (ОМС) полисының гамәлдә булуына кагыла. Моннан тыш, хәрби ипотека буенча чикләүләрне бетерү кирәклеген билгеләп үтелде. Ахырда Андрей Турчак Владимир Путинга 1 июль көнен хәрби хәрәкәтләр ветераны көне буларак федераль дәрәҗәдә билгеләргә тәкъдим итте.
«Бердәм Россия хатын-кызлары хәрәкәте» федераль партия проектының төбәк координаторы, «Мәрхәмәт – Милосердие» Татарстан Республикасы Дәүләт Советы хатын-кызлар-депутатлар берләшмәсе җитәкчесе Алсу Нәбиева сүзләренчә, бүген республикада мобилизацияләнгәннәргә социаль ярдәм күрсәтүнең уннан артык чарасы гамәлдә.
«Аерым алганда, республика МХОгә чакырылган һәркемне 20 позициядән торган комплект белән тәэмин итте. Махсус операциядә катнашучыларның балалары мәктәпләрдә бушлай туклана, алар өчен балалар бакчасы өчен түләү бетерелгән, лагерьларга бушлай юлламалар һәм дәүләт мәдәният һәм спорт учреждениеләренә бару каралган.
Узган елның 24 февраленнән МХОда катнашучыларның балаларына 20 мең сум күләмендә бер тапкыр бирелә торган акчалата түләү билгеләнде. Шулай ук балалар бакчаларына, мәктәпләргә, урта һөнәри белем бирү учреждениеләренә кергәндә ташламалар каралган.
Региональ дәрәҗәдә мобилизацияләнгәннәр өчен транспорт салымы буенча ташламалар гамәлдә. Барлык катнашучылар өчен йортларны газлаштыру өчен компенсация каралган, адреслы ярдәм күрсәтелә, башка ярдәм чаралары да гамәлдә»
МХО мәсьәләләре буенча эшче төркем Президент боерыгы буенча төзелгән. Аны Федерация Советының беренче вице-спикеры, «Бердәм Россия» Партиясенең Генераль советы секретаре Андрей Турчак җитәкли. Төркем составына федераль парламентның ике палатасы һәм барлык парламент партияләре, Оборона министрлыгы вәкилләре, иҗтимагый оешмаларның лидерлары, әйдәп баручы хәрби хәбәрчеләр керә.
