“Ак Барс” хоккейчылары Минск шәһәренең “Динамо” командасына җиңелде

“Ак Барс” хоккей командасы читтә уйнау сериясен башлады. Кичә Казан хоккейчылары Минск шәһәрендә “Динамо” командасына каршы уйнады һәм 2:3 исәбе белән җиңелде.

Беренче период. Икенче минутта “Динамо” хоккейчысы Алексей Терещенко исәпне ачып җибәрде (1:0). Унҗиденче минутта Сергей Костицын күпчелектә уйнаганда керткән голы белән “Динамо”га ике алкалы өстенлек бирде (2:0). Бу периодның ике алкасын да элеккеге “Ак Барс” уенчылары кертте.

Икенче периодта кертелгән алкалар булмады. Өченче периодның беренче минутында Иржи Секач “Ак Барс” күпчелектә уйнаганда алка кертә алды (2:1). Бишенче минутта “Динамо” һөҗүмчесе Дмитрий Буйницкий гол кертте (3:1). Унөченче минутта “Ак Барс” һөҗүмчесе Роб Клинкхаммер, күпчелектә алка кертеп, исәпне үзгәртте (3:2).

Командалар составы:

“Ак Барс”: Подъяпольский (Гарипов); Секач – Азеведо – Зарипов, Педан – Постма; Глухов – Попов – Галиев, Лямкин – Манухов; Лукоянов – Михеев – Потапов, Яруллин – Абросимов; Кара – Основин – Клинкхаммер, Батыршин.

“Динамо”: Энрот (Карнаухов); Буйницкий – Терещенко – Костицын А., Уиркош – Хенкель; Бут – Хауден – Пулккинен, Блум – Лисовец; Павлович – Костицын С. – Когалев, Осипов – Готовец; Китаров – Волков – Литвинов, Евенко.

26 декабрьдә  “Ак Барс” хоккейчылары Краснодар өлкәсендә “Сочи” командасына каршы уйный. Матч 19:30 сәгатьтә башлана.

("Татар-информ")