65 яшьлек казанлы мошенниклар корбаны булган һәм 2 млн сум югалткан

Үз акчаларын саклап калырга теләп, Казанда яшәүче хатын-кыз мошенникларга 2 млн 7 мең сум акча күчергән. Шәһәр мэриясе хәбәр иткәнчә, хәзер полиция каракларны эзли.

65 яшьлек зыян күрүче сүзләренчә, билгесез хатын аңа таныш булмаган номердан шалтыраткан һәм үзен кәрәзле ширкәт хезмәткәре дип таныштырган, сим-картага хезмәт күрсәтү вакыты тәмамлануы турында хәбәр иткән. Килешүне озайту өчен аферачылар хатын-кыздан СМС-хәбәрдәге кодны сораганнар, алар ярдәмендә дәүләт хезмәтләре порталына кул-колак булганнар. Соңрак аннан серсүзне сораган. Ләкин пенсионер аларны искә төшерә алмый һәм ярдәм сорап кызына мөрәҗәгать итә. Туганы аңлатканча, бу җинаятьчеләр булган.

Ике көннән зыян күрүчегә мессенджерда шалтырату килә. Бу юлы аферачылар үзләрен дәүләт хезмәтләре порталы хезмәткәрләре дип таныштырды. Әңгәмәдәш хатын-кызны билгесез кешеләр аның акчаларын урларга тырыша, шуңа күрә акчаларны куркынычсыз хисапка күчерергә кирәк, дип ышандыра. Соңрак зыян күрүче мошенникларның корбаны булуын аңлый һәм полициягә мөрәҗәгать итә.

Фото: ТНВ

Источник: https://tnv.ru/tat/news/moguai/424725-65-yashlek-kazanly-moshenniklar-korbany-bulgan-m-2-mln-sum-yug...