43 ел стажлы Россиянең атказанган агрономы Габдерәис Рамазанов

Өстәлебезгә икмәк үстерүче игенчеләребезне, иттән - казылык, сөттән - май ясаучы - эшкәртү сәнәгате хезмәткәрләрен котлый торган көн. Кичә алар һөнәри бәйрәмен билгеләде.

Авыл хуҗалыгы Татарстан өчен икътисадның бер тармагы гына түгел. Әйе, Республика - сөт, ит җитештерү буенча беренче бара һәм үз халкын төп ризыклар белән тулысынча тәэмин итә. Шул ук вакытта, авыл - ул телне, традицияләрне саклау урыны да. Татарстан авылларында 900 мең кеше яши - Республика халкының дүрттән бер өлеше. 70 меңе авыл хуҗалыгында эшли.

Без Арча районының "Ватан" хуҗалыгына юл тотабыз. Аның баш агрономы - Габдерәис Рамазанов бу атнада Россиянең атказанган агрономы булды. 43 ел агроном. Хезмәт кенәгәсендә бер язу бар - "Ватан". Монда туып, монда үскән һәм кече Ватаны язмышын - үзенеке итеп сайлаган гап-гади җир кешесе Алия Хәйретдинова репортажында.



Источник: https://tnv.ru/tat/news/avyl/421214-43-el-stazhly-rossiyane-atkazangan-agronomy-gabder-is-ramazanov-...