35 ел сәхнәдә: 15 мең халыкны Казанда җыйган Салават

Салават Фәтхетдинов быел 35нче сезон концерт куйды. Юбилей чыгышлары бу атнада Камал театрында — камаллылар яңа сезонны ачар алдыннан тәмамланды. Без августның татар эстрадасында Салават ае булуын беләбез. Концертына билет таба алмау кыенлыгын татыганыбыз да бар. Аның белән интервьюга сөйләшү дә кайвакыт җиңелләрдән түгел. Әмма нәкъ менә ул августта сәхнәдә вакыйга ясый, кемнең кайда яшәвенә карамастан, шушы август кичендә меңләгән кешене — татарны залда очраштыра һәм аларга яраткан җырлар бүләк итә. Быелгы юбилей концертларын 15 меңнән артык тамашачы караган. Димәк, 15 мең кеше туган телдә - милли моңга уралган җырларыбызны тыңлаган. Тулырак безнең репортажда. Источник: https://tnv.ru/tat/news/show-business/340047-35-el-s-khn-d-15-me-khalykny-kazanda-yygan-salavat-/