100 елдан соң шулай булачак: Табигать татарстанлыларны сыный

Бу атнада Татарстан галимнәре ачышка тиң яңалык җиткерде. «Быелның гыйнварындагы кебек һава торышы нәкъ 100 елдан Республикада гадәти күренешкә әйләнәчәк». Димәк, 30 градуслы зәмһәрир салкын да, өчәр көнле тоташ буран да булмаячак. Аның урынына Европадагы сыман — җылы, карлы-яңгырлы, еш кына +ле температура урнашыр, дип фаразлана. Димәк, бу гыйнвар безгә - 100 ел алга экскурсия ясады.

Хәзер температура нормадан 6 градуска югарырак. Без быел глобаль җылынуның безнең якларга йогынтысын күрәбез. Үрдәкләр җылы якка гомумән китеп тормый, миләш чыпчыклары быел Казанда гына калган, тычкан ише кимерүчеләр активлаша. Бүгенге хәлне белгечләр «метеорологик кыш» дип атый һәм ул календарьдагы кыш белән чагышмый. Климатның үзгәрешүе тормышка нинди тәэсир ясый? Рузәл Шәрипов репортажы.