"Яңа Гасыр" телеканалы "Халыклар мирасы" конкурсында катнашырга чакыра

«Татарстан — Яңа Гасыр» телерадиокомпаниясе Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе белән берлектә «Халыклар мирасы» конкурсын игълан итә. Премиаль фонд — 500 000! Милләт беренче чиратта үзенең халкы белән дан тота. Халыкта гына иң моңлы көйләр туа, үзенчәлекле һөнәр ияләре барлыкка килә, үзенә генә хас аш-су серләре була. Конкурсыбыз Татарстанда яшәүче халыкларның талантын күрсәтү нияте белән оештырыла. Биредә Татарстанда яшәүче барлык халык вәкилләре катнаша ала. Бәйге номинацияләре: • Аш-су остасы; • Милли кием; • Милли бию; • Милли җыр; • Һөнәр иясе. Махсус номинация — Балалар номинациясе! Гаризаларны miras@tnvtv.ru электрон почтасына җибәрегез. Алар 2023 елның 15 октябренә кадәр кабул ителә. Источник: https://tnv.ru/tat/news/tatarstan/342785-ya-a-gasyr-telekanaly-khalyklar-mirasy-konkursynda-katnashyrga-chakyra/