"Кыңгыраулы мәктәп еллары": Ләйсән Гыймаева һәм Булат Бәйрәмов кызлары Таңсылуның чыгарылыш кичәсе булган

Быел татар эстрадасының җырлы гаиләсе Ләйсән Гыймаева һәм Булат Бәйрәмовның кызлары Таңсылу 11 нче сыйныфны тәмамлаган. Кичә ул белем алган 19нчы гимназия укучылары Казанда гөрләтеп чыгарылыш бәйрәмен үткәргәннәр. Олы юлга басу белән тәңгәл килгән бәйрәмнән фото-видеоларны Ләйсән Гыймаева язылучыларына да күрсәтте. Таңсылуны котларга дип әти-әнисе, сеңелләре, ике як әбисе дә килгән иде. Фотолардан күренгәнчә, алар һәммәсе дә сәләтле кызның уңышларына чын күңелдән сөенә. Таңсылу сәхнәгә аттестат алырга чыккан видеоны урнаштырганда, Ләйсән Гыймаева «Кызыл аттестатка 2 генә 5ле җитмәде», - дип серне ачкан. Гимназияне тәмамлаучыларны Ләйсән Гыймаева һәм Булат Бәйрәмов та котлады. Алар яшьләргә дип җырларын, ә Таңсылу инглиз телендә лирик композиция башкарган. Фото: соцсети Источник: https://tnv.ru/tat/news/show-business/329198-ky-gyrauly-m-kt-p-ellary-l-ys-n-gyymaeva-m-bulat-b-yr-mov-kyzlary-ta-syluny-chygarylysh-kich-se-bulg/