Җырчы Азат Фазлыев образын үзгәртергә җыена

Азат Фазлыев яңа сезонга образын үзгәртергә уйлый. "Озын чәчле Азат, сакаллы Азат булсынмы, әллә, ничек бар шулай калыйммы?" - дип язылучыларына мөрәҗәгать иткән җырчы.

 "Ничек бар - шулай булып кал, без синең иҗатынны яратыбыз!" - дип язган тыңлаучылар. Танымаслык итеп үзгәреп куйганчы Азат Фазлыевны күрәсегез килсә, 7 Май "Татнефть арена"га "Болгар радиосы" оештырган грандиоз тамашага рәхим итегез.

Исегезгә төшерәбез, 7 май көнне «Татнефть Арена»да беренче тапкыр «Болгар радиосы»ның Радио көненә багышланган масштаблы концерты узачак! Бу үзенчәлекле вакыйга бер сәхнәдә татар эстрадасының иң якты һәм яраткан артистларын җыячак.

«Болгар радиосы»ннан «Радио көне» – бу гади генә концерт түгел, ә чын мәгънәсендә грандиоз тамаша! Тамашачыларны ялкынлы ритмнар, төсле костюмнар, заманча сценография белән феерик тамаша һәм, әлбәттә, иң танылган һәм яраткан хитлар көтә!

Илсөя Бәдретдинова, Элвин Грей, Ришат Төхвәтуллин, Фирдус Тямаев, Әнвәр Нургалиев, Марат Яруллин, Илмира Нәгыймова, Рифат Зарипов, Илнат Фәрхуллин, Зинира һәм Ризат Рамазановлар, Алмаз һәм Зөлфирә Мирзаяновлар, Илшат Сафин, Алсу һәм Азат Фазлыевлар татар музыкасының чын бәйрәмен оештырачак!

«Болгар радиосы» һәм «Татнефть Арена» онытылмас тамаша, югары сыйфатлы тавыш һәм ут куелышы, шулай ук тамашачылар өчен бик күп сюрпризлар вәгъдә итә.

7 май «Татнефть Арена» сәхнәсендә татар хитларының бәйрәмен күрми калмагыз! Билетлар сатуда.

Фото: "Болгар радиосы"