«Тулай торактан» «фатирга» күчү - 2!

26нчы август көнне «Болгар радиосы»  өй туе үткәрде.  Без кысан студиядән бар уңайлыклары булган, техниканың соңгы сүзе буенча җиһазландырылган зур якты, ә иң мөһиме яңасына күчтек! Бу «күчеш» соңгысы түгел.
Бүгеннән «Болгар радиосы» виртуаль дөньяда да «яшәү урыннарын» үзгәртә. «Камилеккә чикләр юк» дигән әйтемне истә тотып әлегә адымга бардык. Хәзер «Болгар радиосы»ның рәсми сайтының мөмкинлекләре бермә-бер артты! Сезнең өчен, кадерле интернет дуслар, тыңлый алмаган яисә кабаттан искә төшерергә теләгән тапшырулар архивы булдырылды. Шулай радио тормышы белән  фотосүрәтләр аша гына түгел, ә  видео язмалар ярдәмендә дә таныша алачаксыз. Болар барсы да яңа «Медиаконтент» бүлегендә!
«Болгар радиосы»  үзенең күп кырлы булуы һәм киң аудиторияне колачлавы белән башкалардан аерылып тора. 15кә якын тапшыру эфирга чыга. Кемнән генә сорама барсы да бертавыштан «ЧәкЧәк Шоу» проектын атый алыр, әмма аннан кала да игътибарга лаек тапшырулар күп!  Кызыктырган тапшыруыгыз турында тулырак мәгъләматны «Тапшырулар» битендә таба алачаксыз!
«Болгар радиосы» тыңлаучылары аеруча да актив! Уеннарда катнашып, шәп буләкләр отарга телисезме? Хәзер исә «Бәйгеләр» бүлегендә конкурсларга хат, фотосүрәтләрне рәсми сайт аша гына юллый алачаксыз!
«Болгар радиосы»н онлайн режимда тыңлау һәм карау мөмкинлеге! Сезнең өчен студиядән туры трансляция - 3 камера туры эфирның атмосферасын сезгә җиткерә. Үзегезне «Болгар радиосы» студиясендә итеп хис итәсегез киләме? Тизрәк рәсми сайтны кабызыгыз!

«Болгар радиосы» белән сайт аша танышыгыз!