"Тукай эзләре буйлап" чарасы югары дәрәҗәдә үтте!

"Тукй эзләре буйлап" экскурсиясе Казан уртасыннан,  Тукай мәйданыннан,  төгәл 10.00 башланып китте. "Болгар радиосы" эфирында барган уенда җиңгән радиотыңлаучыларыбызны "ЧәкЧәк Тур" оешмасы белән бергәлектә Казан буйлап йөрттек. Экскурсия барышында Гөлназ Фәйзрахманова Тукай мәйданы, Печән базары, "Болгар" номерлары турында сөйләгән булса, Ләйсән Гарифуллина туристларны "Тукай бай булган" диеп шаккатырды. кызыклы мәгълүматларны Артур Фәләхов та җиткерде, ә инде "Шәрык"клубы турында тәмләп Фаил Гыймадов сөйләде. Ә үзенең экскурсион докладын ул үзе иҗат иткән шигырьдән башлап җибәрде. Сәгать 12.00 дә "Тукай эзләре буйлап" экскурсиясе "Татар утары" рестораны каршында төгәлләнде һәм безнең туристларыбызны чын татарча гөреф-гадәт буенча "Болгар радиосы"  хезмәткәрләре "Татар утары"нда чәйгә алды. Көндезге 12.30 тамак ялгангач, "Тукай эзләре буйлап" чарасының иң тәмле өлеше-концерты башланып китте. Беренчеләрдән булып Илназ Бах җырлап, җыелганнарны биетеп алды. Дәртләнеп киткән тамашачылар бик рәхәтләнеп Ләйсән Гарифуллина оештырган уеннарда да катнаштылар. Сәхнә түренә бер-бер артлы татар эстрадасының иң танылган артистлары чыга торды: Илназ Бах , Чулпан Йосыпова, Сиринә Зәйнетдинова,  Марат Фәйрушин, Динә Закирова, Зәринә Хасаншина, Ранис Габбазов, Гөлсирин Абдуллина, Азат Абитов, Резидә Шәрәфиева,Рәсим Низамов, Зинира һәм Ризат Рамазановлар, Алинә Сафиуллина, ИлСаф,Динә һәм Рафаэль Латыйповлар,Марсель Вәгыйзов,Зөлфирә Шәйдуллина,Флорит Гыйздатуллин, Венера Ганиева һәм Илнар Миранов! Тамаша көндезге 15.00 ләрдә генә төгәлләнде.  Моң, тел бәйрәме булды! 

"Тукай эзләре буйлап" чарасы турында "Татарстан- Яңа Гасыр" каналында "Хәбәрләр", "Новости" чыгарылышында 14.30 да һәм "Татарлар" тапшыруында карый аласыз. 
Фотолар "Медиаконтент" бүлегендә "Фототасма"да урнаштырылган.