«Тапшырылмаган хатлар» фильмы зур экраннарга чыга
«Тапшырылмаган хатлар» фильмы зур экраннарга чыгарга әзер Яңа Гасыр каналы Татарстанның шәһәр һәм район кинотеатрларының зур экраннарында Татар классигы Гадел Кутуй әсәренә нигезләнеп төшерелгән “Тапшырылмаган хатлар” нәфис фильмын тәкъдим итә! «Тапшырылмаган хатлар» «Татарстан-Яңа гасыр» каналында беренче тапкыр 2016 нчы елның декабрь аенда күрсәтелде. Исегезгә төшерәбез, Галияне Гүзәл Сибгатуллина уйный, Ришат Әхмәдуллин Искәндәрне гәүдәләндерә, Айдар Сөләйманов Вәли ролендә. Фильмда шулай ук танылган артистларыбыз
Фирая Әкбәрова, Илтөзәр Мөхәммәтгалиев, Фәнис Җиһанша һәм башкалар да катнаша. «Тапшырылмаган хатлар» нәфис фильмы март аеннан шәһәр һәм район кинотеартларында прокатка чыгачак. Түбәндә сезнең өчен фильмның күрсәтелү графигын тәкъдим итәбез. Искәртәбез, әлеге график үзгәрергә мөмкин. ТНВ сайтында һәм социаль челтәрләрдә бу мәгълүматны күзәтеп бара аласыз.
