Тинчурин театрында "Шах...Мат!" моноспектакленең премьерасы узды. Баш рольне "Болгар радиосы" алып баручысы Рөстәм Гайзуллин башкарды"

14 апреля 2021 "Болгар радиосы" яңалыклары

Кәрим Тинчурин исемендәге Татар дәүләт драма һәм комедия театрында "Шах...Мат" моноспектакленең премьерасы узды. Баш рольне "Иртәнге чәй" алып баручысы Рөстәм Гайзуллин башкарды.
Коллегабызны әлеге зур роле белән котлыйбыз! Киләчәктә дә яңадан-яңа рольләр һәм уңышлар насыйп булсын!

Автор — Лейла СалахатдиноваТәрҗемә — Инсаф Абдулла
Режиссер — Марсель Мәхмүтов
Рәссам — Роман Моров
Композитор — Зөлфәт Вәлиуллин
Спектакль өчен материаллар туплаучы — Рөстәм Гайзуллин

Прокурор кечкенә шәһәрдә шау-шулы җинаятьне ачарга алына. Аңа бу эшне ахырына җиткерү бик мөһим һәм моның үз сәбәпләре бар…

Чөнки прокурорга әлеге җинаять үзе белән булган һәм аның (бөтен) тормышын үзгәрткән вакыйганы хәтерләтә.

Ул бер-бер артлы хәлиткеч адымнар аша үткәннәргә кайта. Прокурор узган вакыйгаларның кабатланмавын һәм җинаятьченең җаваплылыктан качып котылмавын тели.

Ул шахмат тактасындагы фигураларны күчереп, дөреслеккә ирешү юлларын эзли. Чөнки әлеге уеннан Кара һәм Ак якларның бәрелеше генә түгел, ә Прокурор белән үтерүче арасындагы көрәш нәтиҗәсе ачыкланачак.

Детектив монодрама сезне авыр югалтудан соң мәхәббәткә һәм дөреслекнең тантана итүенә ышаныч тапкан, үз эшенә һәм хакыйкатькә ихлас табынган кеше тарихы белән таныштыра.

Яңалыклар исемлегенә кайтырга

Башка яңалыклар