Флорит Гиздатуллин: "“Кайнар хит” проектыны белән танышып, аның башка тапшыруылардан өстен ягын күргәч тә, икеләнми катнашырга булдым!"

Флорит Гыйздатуллин бүгенге көндә татар сәхнәсендә “тамашачыны шаккатырырга теләүче җырчылар” дан аерылып тора- ул гадилеге, тыйнаклыгы белән халыкның күңеленә сукмак сала. Бәлки шуңадыр да, ул татар эстрадасын шаулаткан “Кайнар хит” проектында беренче тапкырдан катнашып, җиңеп тә чыга. Әлегә яшь, сәхнәгә беренче адымнарын ясаучы җырчылар исемлегендә йөргән, әмма шактый тәҗрибә туплаган Флорит Гыйздатуллин белән якыннан танышыйк әле.
Флорит Тукай районында гап-гади бер гаиләдә туган, шунсын да әйтеп узыйк, ул гаиләсендә бердәнбер иҗат кешесе-җырчы. Бүгенге көндә Айдар Фәйзрахманов җитәкчелегендәге ансамбльдә хезмәт итә, ә остазы буларак Венера Ахатовна Ганиевага бик рәхмәтле.
- Флорит, үзең турында бераз сөйләп китсәң иде. Иҗатка юл ничек башланды?
- Мәктәпне тәмамлауга ук Казан Дәүләт Мәдәният һәм Сәнгать Университетына укырга кердем, бәхетемә Венера Әхәт кызы Ганиева классына укырга кердем. Дөрес суларга, җырларга, гомумән, сәхнәдә үзеңне ничек тотарга – барлык серләргә ул мине төшендерде.
- Венера Ахатовна “Йолдызлар фабрикасы” белән гастрольләргә еш чыга, әмма сине бу исемлектә күрергә тры килми.
- Әйе шул, вакыт җитмәү сәбәпле күп кенә проектлардан баш тартырга туры килә. Ник? Чөнки мин ТР халык артисты Айдар Фәйзрахманов җитәкләгән ансамбльдә хезмәт итәм. Айдар абый кулы астында эшләү шулай ук зур дәрәҗә, әмма алай да, мөстәкыйль җырчы буларак та үземнге сынап карыйсым килә.
- Нәкъ шул теләк сине “Кайнар хит” проектына китергәндер дә?
- Әйе! “Болгар радиосы” белән дуслык радио нигезендә оештырылган продюсерлык үзәгеннән башланып китте. Әйтергә кирәк, үзәктә үз эшенең осталары эшли. “Кайнар хит” проектыны белән танышып, аның башка тапшыруылардан өстен ягын күргәч тә, икеләнми катнашырга булдым. Дөресен әйткәндә, үземнең җиңеп чыгасына ышанмадым.
- Шулай итеп, “Кайнар хит” катнашучылар исемлегенә син дә кердең һәм бу проектта җиңү яулаганнан соң йолдыз булып уяндың , чөнки хәзер “Болгар радиосы” милли музыка премиясе лауреатлары исемлегендә син дә бар. Мондый уңыш турында хыялланган идеңме?
- Әйткәнмечә, көтмәгән дә идем. “Катнашып кара”, - дигәч тә, бераз шикләндем. Әмма минем җырым өчен тавышлар килүен күргәч куандым һәм “Ә, бәлки, җиңермен” , - диеп шул вакыт уйлап та куйдым”.
Күптән түгел Флорит Гыйздатуллин “Болгар радиосы” эфирында баручы “Шөпшә Шоу” проекты кунагы да булырга өлгерде. Тапшыру кагыйдәләре буенча чакырылган кунак баянга кушылып җыр башкарырыга тиеш, Флорит бу эштә дә сынатмады һәм “Өнсә” җыры белән радиотыңлаучыларбызның күңелен яулады.
- Татар халык җырларын күләгәдә калдырмыйча, эстрада җырларын да репертуарына кертү теләген ничек тормышка ашырасың?
- Иҗатым төрле катлам тамашачылар өчен булса иде. Әбиләр дә, бәбиләр дә минем җырларымны яратып тыңласыннар иде. Шул иң зур теләгем. Татар халык җырларын ничек кенә якын итмә, барыбер замана үз таләпләрен куя һәм татар эстрадасы җырларына да игътибар итү кирәк. Алайда “такмакларны”, сыйфатсыз җырларны репертуарыма алмыячакмын, җыр сүзләренә игътибар итәм, минең киңәшчеләрем булган әти-әнием белән сөйләшәм, аларның фикерен тыңлыйм.

Тиздән моннан нибары 5 ел элек кенә барлыкка килеп, моңа кадәр татар дөньясында дан тоткан зур тамашаларны күләгәдә калдырган “Болгар радиосы” милли музыка премиясен тапшыру тантанасы җитәчәк һәм сәхнә түренә күтәреләчәк лауреатлар арасында Флорит Гывйздатуллин та булачак!

“Болгар радиосы” милли музыка премиясе – яшь, талантлы җырчыларга танылу мөмкинлеге дә бирүче проект, “Кайнар хит” тапшыруы шул зур юлга беренч еадым ясарга ярдәм итүче.