"Татар мәйданы"нда Башкорт кунаклары.

Сишәмбе, 4 апрель ягъни бүген  “Татар мәйданы” милли аналитик тапшыруы яңа вакытта эфирга чыкты. Искәртәбез, хзер сез яратып өлгергән тапшыру вакыты - көндезге 14.00. Һәм бүген тапшыруыбыз кунаклары Башкортстанда яшәп иҗат итүче татар язучылары Нурлан Ганиев белән Мөнир Вафин. Тапшыру дәвамында шалтыратучылар күп булды. Тамашачыларыбызны Башкорстан якларында татар теленең хәле турында, Нурлан Ганиев иҗаты кызыксындырды. Шулай ук ут күршеләребездә татар иҗатының чәчәк атуы турында сүз барды. Танылган җырчылар, әдипләр, язучылар исемлеге саллы булуы да шаккатыра: Салават, Ришат Төхвәтуллин, Роберт Миңнуллин - болар исә шушы исемлекнең нибары беренче баскычларында торучылар гына. Тапшыру дәвамында төрледән - төрле кызыклы фикерләр һәм шигырьләр яңгырады. "Татарстанда бер гаиләгә 1.5 бала туры килә, шул ук вакытта Башкорстан якларында бер татар гаиләсендә 1.75 бала тәрбияләнә. Татар милләте яшәсен, ана теле чәчәк атсын диеп телибез икән табигый юл белән артырга, үсәргә кирәк. Шул вакытта гына Рәсәйдәге халык саны буенча без-татарлар беренче урынга чыга алачакбыз"  дигән кунаклар фикере тамашачыларны да битараф калдырмагандыр. 
Тапшыруның тулы язмасын "Медаконтент" бүлегендә "Аудиархив" өлешендә тыңлап була.