"Татар мәйданы" тапшыруында туры эфирда "Ирек мәйданы" газетасы баш мөхәррире Раиф Усманов булды.

"Татар мәйданы" тапшыруында туры эфирда "Ирек мәйданы" газетасы баш мөхәррире Раиф Усманов булды. Тапшыру дәвамында төп 2 сорауга җавап эзләнде: газета нәшир итү табыш чыганагы була аламы? Татар матбугаты конкурентлыкка сәләтлеме?
Кунагыбыз матбугат серләре уралган йомгакны бик акрын гына сүтә башлады. Иң элек чагыштырулар китереп, бүгенге көндә басма матбугатның актуальлеге кимүе турында әйтте. «Элек «Сөембикә» журналы 800 мең тираж, «Татарстан яшьләре» газетасы 200 мең тираж белән басыла иде. Бүгенге көндә «Ирек мәйданы» Татарстан республикасында иң зур тиражлы газета санала, әмма безнең очракта саннар бераз башка – 35 мең. Бу басма матбугатның популярлыгы кимү белән генә түгел, ә мәгълүмат чыганакларының күп булуы белән дә аңлатыла. Интернет, телевидение, радио арасында газеталар югалып кала. Билгеле, басма матбугат оперативлык ягыннан оттыра, әмма бу әле газеталарның конкурентлык сәләте юк дигән сүз түгел. Безнең «Ирек мәйданы» газетасына даими рәвештә язып торучы журналистларыбыз бар, аларның кайберләре ерак Себер якларыннан. Димәк, безне анда да укыйлар. Соңгы статистик мәгълүматларга караганда, Уфа якларында Казан белән чагыштырганда татар газеталарына күбрәк язылалар, укыйлар. Ни өчен? Чөнки татар телендә басылган газеталар анда бик аз. Алайда табалар, эзлиләр, алалар».
"Татар мәйданы" тапшыруында туры эфирда "Ирек мәйданы" газетасы баш мөхәррире Раиф Усманов булды. Әңгәмәне тулысынча «Медиконтент» бүлегендә «Аудиоархив» битендә тыңлап була.