Әсхәт Хисмәт "Болгар радиосы"на биргән интервьюсында: "Режиссер Георгий Цхвирава рольләрне безгә, өлкәннәргә, бирмәде."

Бүген «Болгар радиосы» на кунакка Галиәсгар Камал исмендәге татар дәүләт академия театры артисты, Татарстанның халык артисты Әсхәт Хисмәт килде. Әңгәмә Г.Камал театрының 111 нче сезоны тәгәлләнүгә багышланган иде. Бу сезонның төп вакыйгаларның берсе диеп Әсхәт әфәнде Кәрим Тичуринның «Җилкәнсезләр»енең кабаттан сәхнәгә кайтуын әйтте.
« «Җилкәнсезләр» кабаттан куела башлыячагын белгәч, без. Өлкән буын артистлар, дәртләнеп киттек. Һәрберебез үз эчебездән генә «Миңа нинди роль бирерләр икән» диеп уйлый башладык. Күңелдәге дулкынлануны башкаларга белгертү юк инде. Әмма чакырылган режиссер Георгий Цхвирава рольләрне безгә, өлкәннәргә, бирмәде. Киресенчә, спектакльдә катнашырга нибары яшьләрне генә алды. Алмаз Гәрәев, Алмаз Сабирҗанов, Эмиль Талипов һәм башкалар үзләрен әлеге куелышта бары яхшы яктан күрсәттеләр. Курку хисе белән көтеп алган «Җилкәнсезләр» югары дәрәҗәдә куелды. Тамашачылар тарафыннан җылы кабул ителде. Сөханалла!»
Исегезгә төшерәбез, Галиәсгар Камал исмендәге татар дәүләт академия театры үзенең 11 нче сезонын төгәлли. Бу сезонда соңгы спектакль «Зәңгәр шәл» булачак. «Театр яктылыкка, нурга илтә». Онытмагыз!