“Сайлау участокларында санитар- гигиена таләпләре үтәлергә тиеш”.

“Сайлау участокларында санитар - гигиена таләпләре үтәлергә тиеш”

“Сайлау участокларын йөреп чыктык , барысы да тәртиптә”, - диде матбугат очрашуында Роспотребнадзор идарәсе җитәкчесе урынбасары Любовь Авдонина, бүген үзе дә сайлауга барачагын искәртеп.

Covid госпитальләрендә авыручылар арасында әлегә сайлауда катнашу теләген белдерүчеләр булмаган. Тик шулай да теләкләре булган очракта аларга табиблар белән махсус кешеләр җибәреләчәк, шулай ук өйгә чакырту мөмкинлеге дә каралган. “Сайлау участокларына керү юлында кешеләрнең тән температуралары тикшерелә, битлек кию мәҗбүри, перчатка кию кешенең үз иркенә куела, булмаган очракта битлек тә ручка да урында бирелә. Паспортны бары ачып күрсәтергә генә кирәк. Участокларга чыгу керү юллары төрле. Хәрәкәт итү схемасы алдан уйланылган, кешеләр бер-берсе белән кара - каршы очрашырга тиеш түгел”, - ди Любовь Авдонина. Сайлау участогына килүчеләр арасында температуралы кешеләр ачыклана икән аңа тавыш бирү өчен махсус бүлмә әзерләнгән. Барлык участокларда да прививка ясату өчен уңайлы шартлар булмаганга күрә - аны кайбер сайлау участокларында гына ясатып була .

Автор: “Болгар радиосы”ның “Яңалыклар” хезмәте хәбәрчесе Камилә Шәһәбиева
Фото: Александр Артемьев