“Рухият” тапшыруында кунакта өлкән мөгаллим киңәшләре белән уртаклашты

Ни өчен Юныс пәйгамбәрне балык йоткан һәм ул балык карыныннан ничек исән-имин котылган? Бу җомга , 17 нче мартта, эфирда яңгыраган “Рухият” тапшыруында без Юныс пәйгамбәр турында белемнәребезне арттырдык.

Тапшыруыбызның кунагы Россия ислам университеты өлкән мөгаллиме, “Казан нуры” мәчете имамы Радик хәзрәт Зябиров булды. Исегезгә төшерәбез, “Рухият” тапшыруын җомга көннәрендә яңа вакытта — 10:00 сәгатьтә тыңлый аласыз.

Тапшыру барышында туган сорауларыгызны туры эфирга шалтыратып юллый аласыз, студиянең телефон номеры 570-50-82. Рухиятле булыгыз һәм иман тәрбиясен үстерегез!