Наилә Гыйбадуллина татар теле һәм әдәбияты укытучылары белән очрашуда булды.

Бүген "Болгар радиосы" алып баручысы Наилә Гыйбадуллина 155 нче санлы татар гимназиясендә татар теле һәм әдәбияты укытучылары белән очрашуда булды. Гимназия җитәкчелеге ана телен саклап калу, татар журналистикасы темаларына багышлап түгәрәк өстәл үткәрде. Очрашуга "Казан утлары", "Гаилә һәм мәктәп"  редакцияләре хезмәткәрләре һәм "Болгар радиосы"  алып баручылары, ГТРК "Татарстан" радиосы хезмәткәрләрен чакырды. Укытучыларның татар телен саклауга, сөйләм телен үстерүгә кагылышлы сораулары байтак булганга, әңгәмә бирелгән вакыт кысаларыннан чыгып, хәйран озак дәвам итте. Әлеге очрашуны 155нче гимназия укучылары чыгышлары тагын да ямьләндереп җибәрде. Чакырылган һәр кунак үз эшенең нечкәлекләре белән таныштырырга ашыкты һәм бүгенге көн проблемалары хакында сүз куертты. Очрашу шулай ук тәҗрибә алышу мәйданы гына булып калмады, ә яңа идеяләр тудыру, проблемалар чишү урынына да әверелде. Шулай итеп,  КДУ татар теле фәннәре доценты   "Татар басма матбугатларында аерым әдипнең язылган әсәренә структур схематик характердагы тирәнтен анализ ясау мисаллары булса иде" тәкъдиме белән чыкты. шундук әлеге идеяне "Казан утлары" һәм "Мәгърифәт" журналлары күтәреп алды.