Казанда сайлау участогына килгән һәр кешегә "Мин тавыш бирдем" дигән беләзек тапшыралар

Казанда сайлау участогына килгән һәр кешегә  "Мин тавыш бирдем" дигән беләзек тапшыралар. Ул иртәгә Ак барс арена стадионы территориясенә керү хокукын бирә. Биредә интерактив программа һәм эстрада йолдызлары катнашында концерт узачак. Бәйрәм 12.00 сәгатьтә башлана. Территория берничә тематик зонага бүленә. «Әдәби ишегалды» интеллектуаль ял итү мәйданчыгында Казан театрлары артистлары, шагыйрьләре һәм язучылары мәйданчык кунаклары өчен танылган пьесалардан һәм романнардан өзекләр укыячак. Шунда ук татар эстрадасы һәм Казан шәһәр филармониясе артистлары чыгыш ясаячак. «Әдәби ишегалды» хедлайнеры Россия актрисасы Ольга Кабо булачак.
Моннан тыш, бәйрәм кунаклары өчен футбол, хоккей, баскетбол һәм гольф кебек спорт төрләре буенча мәйданчыклар әзерләнәчәк.
Бәйрәмнең кульминациясе Россия һәм татар эстрадасы йолдызлары катнашындагы концерт булачак. 16.10 сәгатьтә сәхнәгә Әнвәр Нургалиев чыгачак,  аннан Гүзәл Уразованың чыгышы планлаштырылган, 18.00 сәгатьтә - DABRO төркеме. 18.30 -  Клава Кока, 19.10 сәгатьтә сәхнәгә Нюша чыгачак. Алга таба 19.50 сәгатьтә Салават чыгышы планлаштырылган. 20.00 сәгатьтә бәйрәм кәефен казанлыларга Валерия бүләк итәчәк, 21.00 сәгатьтә «Турецкий хоры» чыгыш ясаячак. Бәйрәм салют белән тәмамлана.


"Болгар радиосы"ның "Яңалыклар" хезмәте

Фото: ТАТАР-ИНФОРМ