"Иртәнге чәй" астрологыннан йолдызнамә

Югарылар ни сөйли?

6 нчы декабрь чәршәмбе көненә Йолдызнамә!

Кучкар.

Бүген кучкарларның тоемлавы көчле булыр. Шуңа күрә бар нәрсәне дә тиз табарлар... Югалган ачкычны, телевизор пультын, носкиның икенче парын, хәттә яңа сөйгән ярын...

Үгез-бозау.

Үгез-бозаулар, хисләрегезгә бүген ирек бирегез дә, күптән яшереп йөргәннәрне әйтегез. Җенегез сөйми икән - бәреп әйтегез, яратасыз икән – йөгереп килеп кочаклагыз.

Игезәкләр.

Кешеләрнең күңелендә, Игезәкләр бәхет белән дус кына түгел, ә туган ахры дигән уй туар. Нишләптер башкаларның барып чыкмаганда, сезгә бар да җиңел бирелә соң ул бүген?

Кысла.

Кыслалар, бүген битлекләр киеп, үзегезне әллә кемгә куеп йөрмәгез. Сезне бит дәрәҗәгезгә түгел, ә ачык күңелле булганга яраталар.

Арыслан.

Арысланнар, бүгеннән тормыш сынаулары бераз туктап тора, ял итегез. Үзгәрешләр дә бары яхшы якка гына. Сез моңа лаек.

Кыз.

Кызларның бүген барда шундый әйбәт булыр. Хәттә йолдызлар да көннәшә!!!

Үлчәү.

Хәркемнең үз тараканнары. Ә үлчәүләрнеке: акыллы, чибәр һәм хулиган. Кыскасы бүген аларның тараканы – иң-иңе!!!

Чаян.

Чаяннар елыйсы килгәндә көләләр, тиз рәнҗиләр, бик күп хыялланалар, һәркемгә ышаналар, еш ялгышалар, сирәк гашыйк булалар, тик озак яраталар... Әгәр берәр корбан тапсалар – хана. Чаяннарның каты кочагыннан котыла алмыячаксыз. Бары ике генә юл, я чаян белән каласыз, я үлем. Шәхсән мин яшәүне сайлар идем...

Укчы.

Сез бүген магнит кебек җәлеп итеп торырсыз... Яхшысы да булыр, яманы да тартылыр... явыз тәкъдимнәрдән сак булгыз.

Кәҗәмөгез.

Кәҗәмөгезләрне бүген аңлый алмассыз. Чөнки аларның акылын, линейка белән үлчәп булмый. Бары тик яратырга һәм ышанырга гына туры килер.

Сукояр.

Сукоярлар, бүген салкын акыл белән күңелегезне тыңларга кирәк. Ә ниндидер чиле-пешле акыл ияләрен түгел.

Балык.

Балыклар барын да онытып яңа тормыш башларга тели. Тик нәрсәдән башларга гына белми...