Инстаграмда #үткәннәрсагындыра акциясендә катнаш!

Һәркем үткәнен сагынып искә ала, чөнки ул якты хәтирәләр, әти-әни, әби-бабай җылысы, яшьлек мизгелләре белән бәйле. Ә Сез үткәннәрне сагынасызмы һәм ни өчен? Инстаграмга элеккеге берәр фотосурәтегезне урнаштырып, #үткәннәрсагындыра хэштегы белән кызыклы хәтирәгезне языгыз. Иң кызыклы истәлекләр “Болгар радиосы” эфирында яңгыраячак. Яшьлек елларын, үткәндәге бәхетле мизгелләрне “Болгар радиосы” белән бергә барлыйк!

Исегезгә төшерәбез, 26 октябрьдә “Пирамида” концертлар залында “Болгар радиосы”ның “Үткәннәр сагындыра” дип аталган театральләштерелгән концерты узачак. Вакыйгалар агымы буыннар алмашы белән үрелеп барыр, яшәү асылының гаилә булуы ассызыкланыр.

Тамашада татар эстрадасының танылган артистлары кайчандыр хит булган җырлары белән чыгыш ясаячак, халкыбызның онытылмас җәүһәрләрен башкарачак.

Катнашалар: Идрис Газиев, Зөһрә Шәрифуллина, Винера Ганиева, Нәфкать Нигъмәтуллин, Асаф Вәлиев, Рәсим Низамов, Зөфәр Хәйретдинов, Рөстәм Асаев, Виталий Агапов, Булат Нигъмәтуллин, Илнар Миранов, DJ Радик һәм Айрат Сафин, Алинә Шәрипҗанова, Эльмира Кәлимуллина, Эльмир Низамов, Ильмира Нәгыймова, Ришат Фазлыйәхмәтов, Резидә Шәрәфиева, Асылъяр, Раяз Фәсыйхов, Илнар Сәйфиев, Гайфулла Авзалов, Газинур Фарукшин, Гөлдания Хәйруллина, Сиринә Зәйнетдинова, Алсу Хәбибуллина. Музыкантлар: Динә Закирова, Айнур Моратов.

“Болгар радиосы”ның “Үткәннәр сагындыра” концерты 26 октябрьдә “Пирамида”да 18 сәгатьтә башланачак.