"Югарылар ни сөйли?" яки "Иртәнге чәй"дән йолдызнамә.

Югарылар ни сөйли – Йолдызнамә


Кучкар

Бүген ант итмәгез. Никадәр генә анты үтәргә теләсәгез дә, вак-төяк эшләр комачаулыячак. “Уйлап карармын”- диегез дә, ипләп кенә эшләп куегыз. Эшләнсә – бәхет, эшләнмәсә вөҗдан тыныч.

Үгез-бозау


Сәер... Бүген Үгез-бозауларның, бары берничә секунд эчндә генә дә, кешедән гайрәте чигәргә мөмкин. Гомерлеккә. Дус Үгез-бозауларыгыз булса, якын килмәвең хәерле.

Игезәкләр

Сез уйлап йөргән кеше, әйе, нәкъ менә ул...сезнең турыда уйлый. Һәм бүгген сезнең очрашу куркынычы бар. Ни дисәң дә уйларның чынга аша торган гадәте бар. Хәер күбрәк кирәкмәгән вакытта.


Кыслалар

Сез бүген искиткеч... Гомумән һәрвакыт искиткеч. Тик бүген искиткеч – сәер күренәсез.

Арысланнар

Бүген Арысланнар кемнеңдер җитмәгәнен тоеп алырар. Дуслар бар, туганнар тәртиптә, тик кем дер юк. Әгәр санап-санап та чыкмаса үзегезгә игътибар итегез әле. Бәлки алар арасында сез үзегез юктыр...

Кызлар

Узегезгә фикердәшләр туплар вакыт. Бергәләп тау күчерерсез бүген. Тик ниндие икәне сезнең кулда. Уралмы? Әллә бер уч тузан өемеме...

Үлчәү

Мал-мөлкәт артыннан куган чорда, вакыйганың кай якка тәгәрәвен тиз сизеп алачаксыз. Һәм кайда ипинен иң тәмле буласын сез инде куптән беләсез, шулай ук кайда гомумән борын тыкмаска икәнен дә тоемлаучы үзегез булырсыз.

Чаян

“Кичне ничек уздырырга?” дигән сорауга чаяннарның: “Әлбәттә күңелле” дигән җавабын ишетерсез. Һәм алар хаклы да! Кичне бик онытылмаслык булсын дисәгез, яныгызда тиз арада кемнәр чаян икәнен белергә куша өстәгеләр.

Укчы

Буген бик күп серләр ача торган көн. Янәшәгездә җилкәсен куяр кеше булса бик яхшы, ә менә булмаса җилгә сөйләгез. Тик җил искән якка борылып карагыз. Дошманнарыгыз тыңлап тормасын.

Кәҗәмөгез

Башкаларның күз явы сезнең тарафта булыр. Шуңа күрә иң беренче үзегезнең төс-кыяфәтегезгә карарга киңәш ителә. Башкалардан өстенрәк булыйм дисәгез, иң кыйбатлы костюм-пиджагыгызны киегез. Жәлләмәгез, барыбер көя күбәләге ашап бетерә.

Сукояр

“Рәхмәт” көне оештырып алыгыз. Тормышыгызда ярдәм кулы сузганнарның берсен дә онытмыйча, хәбәр салыгыз. СМС булса да ярый. Алай гына да түгел, “Киләчәктә дә кем ярдәм кулы сузарга мөмкин, ЗЗУУУРР рәхмәт” дип язып җибәрегез.

Балыклар

Балыклар ситуацияне кулларыңнан ычкындырган кебек тоелса да, аларнын барысы да контроль астында. Чөнки сез беләсез, тиздән барысы да җайланачак һәм тормыш янәдән алды белән борылачак.