“Болгарны тыңласаң, үзеңне ишетерсең!” бәйгесе видеоларын хәзер бер урында карарга мөмкин!

“Болгар радиосы”нда игълан ителгән “Болгарны тыңласаң, үзеңне ишетерсең!” бәйгесенә кабул ителгән видеоларны хәзер бер урында карарга мөмкин! Моның өчен әлеге сылтама аша керергә кирәк: https://bolgarradio.com/tat/media-content/video-gallery/.

Исегезгә төшерәбез, әлеге бәйге җыр-моңга гашыйк булган һәм зур сәхнә турында хыялланган һәвәскәр җырчыларны барлау максатыннан оештырылды. Бәйгедә катнашу өчен җырның видеоязмасын #болгардажырлыйм хэштегы белән Инстаграмга урнаштырырга кирәк!

Видеолар 2020 елның 31 маена кадәр кабул ителә. 2020 елның 1 июлендә конкурсның җиңүчеләре игълан ителәчәк. Алар барлыгы 10 кеше булачак! Җиңүчеләрнең исемнәре 1 июль көнне 15 сәгатьтә туры эфирда, радио сайтында һәм социаль челтәрләрдә игълан ителәчәк.

1 июльдән 30 августка кадәр җиңүчеләрнең татар эстрадасы артистлары белән очрашу, мастер классларда катнашу, сыйфатлы җыр яздыру, аны көз көне “Болгар радиосы” концертында башкару мөмкинлеге булачак.

Җиңүчеләргә дипломнар һәм “Болгар радиосы” эфирында 100 трансляциягә сертификат тапшырылачак.

Конкурс шартлары:

- биредә 16 яшьтән өлкәнрәкләр генә катнаша ала;
- видеоязмаларның озынлыгы 1 минуттан артмаска тиеш;
- җыр татар телендә башкарылырга тиеш;
- акапелла яки музыкаль инструментка кушылып башкару шарт;
- конкурс вакытында катнашучының аккаунты ачык булырга тиеш;
- катнашучы @bolgarradiosi аккаунтына язылырга тиеш.