"Болгар радиосы"нда Галиасгар Камал исемендәге татар дәүләт академия театры актерлары. Илнур Закиров: "Сер түгел, безнең татар халкы еларга ярата".

7 июня 2017 "Болгар радиосы" яңалыклары

Бүген «Болгар радиосы» студиясенә Галиасгар Камал исемендәге татар дәүләт академия театры актерлары Илнур Закиров һәм Фәннүр Мөхәммәтҗанов килделәр. Сөйләшү темасы - бу көннәрдә баручы «Нәүрүз» фестивале иде. Билгеле, казахлар, якутлар һәм башка милләт вәкилләренең эшчәнлеге турында сөйләшә башлаганчы егетләр үзләренең постановкалары, яңа спектакльләре турында бәян иттеләр.
« «Нәүрүз» фестивален «Агыла да болыт агыла» спектакле белән башлап җибәрдек, ул безнең репертуарда яңа постановкалардан санала һәм тамашачылар тарафанннын бик җылы кабул ителә. Сер түгел, безнең татар халкы еларга ярата, ә бу спектакль таш йөрәкләрне дә эретеп җибәрә алырдай. Гомумән, әлеге постановка бөек язучыбыз Хәсән Туфанның якты истәлегенә багышлана» - диеп беренче булып сүзне башлап җибәрде Илнур Закиров. Шуны да әйтеп узарга кирәк, «Нәүрүз» фестивале кысаларында шулай ук «Җилкәнсезләр» спектакле дә тәкъдим ителә. Аның турында тулырак Фәннүр Мөхәммәтҗанов сөйләп үтте: ««Җилкәнсезләр» - классика. Ул һәрвакытта да җылы кабул ителә. Бу очракта исә ерак Якутиядән килгән кунакларыбыз да спектакльдән соң килеп рәхмәт сүзләре җиткерделәр».
Исегезгә төшерәбез, «Нәүрүз» фестивале Галиасгар Камал исемендәге татар дәүләт академия театрында әле дәвам итә. Һәм онытмагыз, театр яктылыкка, нурга илтә!

Яңалыклар исемлегенә кайтырга

Башка яңалыклар