“Болгар радиосы”нда Кыш бабайдан ИТЕК от!

ИГЪТИБАР, ДУСЛАР! Кыш Бабай “Болгар радиосы”нда Яңа елга шәп бүләк уйната! Моның өчен нибары “Иртәнге чәй” тапшыруын игътибар белән тыңларга, табышмакларга җавап бирергә кирәк!

“Кыш Бабай табышмагы” бәйгесенең тулы шартларлары турында “Иртәнге чәй” тапшыруын алып баручы Илфак Хафизов сөйләде. “Көн саен иртәнге 8 сәгать 8 минут булгач, “Болгар радиосы”нда Кыш Бабай табышмагы яңгырый. Табышмак җавапларын “Болгар” сүзе белән башлап, буш ара калдырып, 5577 номерына юлларга кирәк.

Сәгать ахырында без билгеле бер сан астында дөрес җавап язучыга (ул санны алдан әйтеп куябыз) шалтыратабыз. Дөрес җавапны ул туры эфирда кабат яңгырата һәм Кыш Бабайга шигырь сөйли яки җыр җырлый. Шулай итеп, без һәр катнашучыны билгеләп, теркәп барабыз. Ә 28 декабрь көнне барлык катнашучыларның исемлеге “Болгар радиосы”ның Вконтактедагы төркемендә урнаштырылачак. Иң күп тавыш җыйган катнашучы 31 декабрьдә “Иртәнге чәй” тапшыруында җиңүче дип игълан ителәчәк”, - дип сөйләде Илфак Хафизов.

Ә җиңүчене Кыш Бабайдан менә дигән кышкы бүләк – ИТЕК көтә! Кыш Бабайдан итек отарга теләсәгез, безнең бәйгендә катнашыгыз, дуслар!

Барыгызга да уңышлар һәм җиңүләр телибез!