“Болгар радиосы”нда - “Мин әни булдым!” бәйгесе!

Дуслар, барыбызның да көтеп алган, яраткан бәйрәме – Әниләр көне якынлаша. Бу уңайдан “Болгар радиосы” “Мин әни булдым!” дип исемләнгән бәйге игълан итә! Әйе, әни булган көн – кеше тормышындагы иң бәхетле көннәрнең берсе. Бары тик әниләр генә тугыз ай буе карынында йөрткән газиз баласын җылы кочагына алып, күкрәк сөте имезү бәхетен тоя ала.

Хөрмәтле ханымнар, Сез дә әни булган көнне кичергән хис-тойгы, хатирәләрегез белән уртаклашып, bolgar.radio@mail.ru һәм М.Горький урамы, 15нче йорт адресына хатларыгызны юллагыз. Хатлар 20 ноябрьгә кадәр кабул ителә. Җиңүчеләрне “Болгар радиосы” алып баручылары билгели.

Иң җылы эчтәлекле хатларны без “Болгар радиосы” дулкыннарында яңгыратачакбыз. Ә инде иң үзенчәлекле хат авторы 8 декабрьдә “Пирамида”да узачак “Болгар радиосы” VI Милли музыкаль премиясен тапшыру тантанасына ике кешелек чакыру билеты белән бүләкләнәчәк. Шулай ук кызыклы хатларны “Болгар радиосы” һәм Милли музыкаль премиясе логотибы төшкән истәлекле бүләкләр көтә!

Җиңүчеләр 23 ноябрь көнне игълан ителәчәк.