"Болгар радиосы" талисманын эзләү дәвам итә!

Бәйгебез дәвам итә! Рәсемнәр төрле, аларның аңлатмалары шаккатырлык!
1. Барс - Татарстанның символына әйләнде инде, шулай ук "Болгар радиосы" да Татарстанның беренче радиосы!
2. Аю баласы - "Болгар радиосы" көчле радио, аның белән тиңләшердәй башка радиоалар юк.
3. Дилбәр - "Болгар радиосы" дигәч, күз алдына беренче Дилбәзр Фәиз килеп баса.
4. Колакчыннар, татар малае һәм өчпочмаклар дигән фикерләр дә юк түгел.

Ә сез "Болгар радиосы" талисманы итеп нәрсәне күрәсез?

Бәйгедә катнашу шартлары:
1. «Болгар радиосы» талисманы эскизын ясарга (плагиат эшләр конкурста катнашмый) һәм талисманның шигарен (девизын) уйлап чыгарырга.
2. Эскизларны, шигарьләрне 19.05.2017 кертеп bolgar.radio@mail.ru электрон адресына юлларга.
3. bolgarradio.com сайтына кереп яңа эскизларны күзәтеп барырга.
4. 20.05.2017 – 29.05.2017 аралыгында ошаган эскиз өчен тавыш бирергә!
5. Беренче 5-леккә кергән эскизлар бәйгенең 2-нче этабына үтәчәк.
6. «Болгар радиосы» җитәкчелеге , рәссам, курчаклар тегүче компания вәкиле кергән жюри җиңүчене ачыклый.
7. Җиңүче 30.05.2017 көнне билгеле булачак.
Иң уңышлы диеп табылган эскиз буенча «Болгар радиосы» ның талисманы тегеләчәк, ә дизайнеры «Болгар радиосы»ннан махсус бүләкләр отачак! Уңышлар! «Болгар радиосы»ның талисманын бергә эзлик!