"Болгар радиосы"ның "Җырла, милләт! Җырла, Республика!" бәйгесе җиңүчесенә тәкәне тапшырдык!

Вәгъдә иткәнчә! "Болгар радиосы"ның "Җырла, милләт! Җырла, Республика!" бәйгесе җиңүчесенең авыл Сабан туена барып тәкәне тапшырдык. Яшел Үзән районы, Күгеш авылы!

Җиңүче - тарих укытучысы Айгөл Төхбәтуллина! Ул җиңүен бер дә көтмәгәнен, шул ук вакытта бик шат булуын ассызыклап үтте. Җиңүчене тәбрикләргә дип барлык авыл халкы җыелган иде.

Бәйге апрель аенда башланды. 6 атна дәвамында бәйгедә катнашу өчен 150ләп җыр килде. Атна җиңүчеләрен билгеләү дә сәнгать советына җиңел бирелмәде. Илфар Кәримов: "6 җиңүче арасында 1 кешене билгеләү, аерып алу бик читен булды. Сәнгать советы әгъзалары арасында шактый тарткалашу барды, чөнки барлык финалга узучы катнашучылар бик талантлы һәм һәрберсе җиңүгә лаек. Ләкин бәйге шартлары буенча без бер генә җиңүчене сайларга тиешбез. Яшерен тавыш бирү нәтиҗәсендә җиңүчене билгеләдек. " Финалга узучы һәркем "Иртәнге чәй"ләрнең кадерле кунагы булачак! ФИНАЛГА УЗУЧЫЛАР: 1 атна җиңүчесе - Мортазина Фәридә. 2 атна җиңүчесе - Булат Камалиев. 3 атна җиңүчесе - Гәзизова Рәхимә. 4 атна җиңүчесе - Рания Зарипова. 5 атна җиңүчесе - Ринат Шамилов. Төп җиңүче - Айгөл Төхбәтуллина!