"Болгар радиосы"ның иртәнге тапшыруы "Иртәнге чәй"дән йолдызнамә!

Югарылар ни сөйли? 

Кучкар.

Кучкарлар 9 әйбердән беркайчан да баш тартмас:

1) Акча.

2) Тәнкә

3) Тиен

4) Меңлек

5) Лемон

6) Байлык

7) Доллар

8) Евра

9) Башка ил акчалары ))))

Үгез-бозау.

Үгез-бозуларга уңыш бүген теш-тырнагы белән ябешкән. Каерып алып ата күрмәгез тагын.

Игезәкләр.

Игезәкләр бүген бераз гына таркау. Уйламыйча әллә ниләр әйтеп ташларга мөмкин. Зинһар ачулана күрмәгез.

Кысла.

Кыслаларга бүген тынычлык кирәк. Бу карлы яңгыр бөтен кәефне кыргангамы, әллә артык җитди булганга мы, аларның бераз үзләре генә калып торасы килә.

Арыслан.

Арысланнарга бүген игътибар җитми. Тик бөтенесенең дә яннарында шаулап тора торганы түгел, ә бердән-беренең сүзсез генә елмаеп карап торуы...

Кыз.

Кызларның балачакларына кайтып, коникулда ял итәсе, котырасы килә... Нишләп үскәч тилереп алырга ярамый икән ул?..

Үлчәү.

Үлчәүләрнең кәефе юк. Ә беләсезме ни өчен. Чөнки шулкадәр күп әйберләр эшлисе килә, ә акча җитми... Шуңа кәефләре юк.

Чаян.

Чаяннарга хичшиксез кибеткә чыгарга кирәк. Бәхәсләшеп тә тормагыз. Бераз гына бу катлаулы эштән һәм болытлы соры көннәрдән качып төрле төсләргә чумарга.

Укчы.

Укчылар сез артык кырыс. Башкаларга карата гына түгел, ә үзегезгә карата. Күпме үз-үзеңне кысарга, тормыш шатлыкларыннан качарга була инде?.. Бүген үзегез өчен яшәп карагыз әле. Ни ашыйсыгыз килсә шуны ашап, нишлисегез килсә шуны эшләгез. Бер көндә генә дөнья бетми...

Кәҗәмөгез.

Кәҗәмөгезләргә бүген акча бирерләр. Чынлап. Шаярмыйча гына. Болай гына.

Сукояр.

Сукоярлар сез бик күпләрне үзегезгә гашыйк итәсез. Бүген өйдән чыкмый торыгыз әле. Алайса башкалар эшли алмый.

Балык.

Балыклар бүген бар авырлыкларны онытып, рәхәтләнеп тормыш агымына кушылырлар. Әллә ни уйламагыз. Бу бары алдагы көрәш алдыннан көч туплау гына...