“Болгар радиосы”ның Яңалыклар хезмәте Яңа ел ялларында ничек эшләячәк?

Яңалыклар чыгарылышы – “Болгар радиосы”нда иң еш тыңланыла торган тапшыруларның берсе. Яңалыклар хезмәте көн дәвамында турыдан-туры эфирда һәр сәгать саен республика һәм ил күләмендәге мөһим вакыйгаларны яктырта. Бәйрәм ялларында да соңгы яңалыкларны Сез “Болгар радиосы”ннан ишетә алачаксыз.

1 гыйнвар көнне яңалыклар көндезге 12:00дән 18:00 сәгатькә кадәр, калган бәйрәм көннәрендә иртәнге 9:00дән 18:00 сәгатькә кадәр эфирга чыгачак. Бу хакта Яңалыклар хезмәте җитәкчесе Айнур Әхмәтов хәбәр итте.

“Безнең бүлектә үз эшенең чын осталары эшли. Алар - Миләүшә Кашапова, Рушан Хантимеров, Артур Фәләхов, Люция Шәрәфиева, Камилә Шәһәбиева. Эшебез нәтиҗәле булсын өчен барлык хезмәттәшләрем дә зур тырышлык, көч куя. Алар 2018 елда да нәтиҗәле эшләде, Татарстан халкын ил-көн вакыйгалары белән оператив рәвештә таныштырды. Журналистларның хезмәте югары бәяләнеп, республика күләмендә үткәрелгән төрле конкурсларда җиңү яулады. Киләчәктә дә зур уңышларга ирешеп эшләргә язсын”, - диде Яңалыклар хезмәте җитәкчесе Айнур Әхмәтов.