"Болгар радиосы"ннан 11 февральгә йолдызнамә!

Кучкар.

Кучкарларга бүген киңәш һәм терәк җитми. Дусларга таяныгыз.

Үгезбозау.

Бүген ашыкмагыз! Сабыр гына көтсәгез, уңыш үзе сезнең кулга килеп керәчәк. Шаулап куркытмагыз гына.

Игезәкләр.

Бәхетегез яныгыздан үтеп бара, авыз ачып йөрмәгез, тизрәк эләктерегез.

Кысла.

Күңелегезне тыңлагыз. Ул һичшиксез хаклы!

Арыслан.

Бүген гел уйламаган җирдән шатлыклы хәбәрләр килер! Хәтта көн тәртибенә дә йогынты ясарга мөмкиннәр!

Кыз.

Кызларның бүген бердәнбер бәла ул – “кайсысына гына җитешим?!” Шуңа күрә алдан эшлисе эшләрегездән исемлек төзегез.

Үлчәү.

Барысында эчкә җыярга ярамый. Берәрсе белән сөйләшеп, бушанып та алырга кирәк.

Чаян.

Йолдызлар сезне мөстәкыйльлеккә өйрәтә. Бүген үзегезгә генә таянырга туры килер.

Укчы.

Дусларны искә төшерер чак. Шалтыратып булса да хәлләрен белегез.

Кәҗәмөгез.

Кагыйдәләрне бозар өчен ясыйлар. Бүген бераз гына “начарланып” алсагыз да ярый.

Сукояр.

Яллар бетте, ә ял итү теләге бетмәде әле. Шуңа күрә ипләп кенә маташыгыз. Рәхәт ялдан соң, кинәт кенә авыр эшкә тотыну, сәламәтлеккә зарарлы.

Балык.

Бераз урын алыштырып алырга кирәк! Гел уйламаган җирләргә барып килегез...