"Болгар радиосы"ннан 8 мартка йолдызнамә!

Кучкар.

Чәчрәп китсен дөньясы, сезне бүген ялкынлы мәхәббәт көтә.

Үгезбозау.

Бүген элеккеге ялгышларны төзәтү мөмкинлеге туар.

Игезәкләр.

Сез бүген теләгәнегезгә ирешәсез, ә ирешә алмасагыз, борчылмагыз. Игезәкләр аптырап кала торганнардан түгел.

Кысла.

Шәхси тормышыгыз җайланып китәр бүген. Бар да үзеннән үзе яхшырыр. Кырын ятып күзәтергә генә кирәк.

Арыслан.

Кыенлыклардан шома гына шуып чыгарсыз да, көндәшләрегезне төп башына утыртырсыз. Арысланнар- сез бүгенге көннең җиңүчесе!

Кыз.

Тормыш шаукымына ияреп, иң кадерле кешегезне югалта күрмәгез. Йолдызлар бүген игътибарлы булырга киңәш итә.

Үлчәү.

Үлчәүләр игътибар үзәгендә булыр. Янәшәсендә планеталарны бөтерелергә мәҗбүр иткән кояш сыман.

Чаян.

Чаяннар бүген бар да аларча гына булуын тели.

Укчы.

Укчылардан энерджайзер кебек көч-куәт ташып торыр. Иң мөһиме: энергиягезне бүген үк бетермәгез, иртәгәгә дә калсын.

Кәҗәмөгез.

Кәҗәмөгезләр бүген усал! Сак булыгыз! Әгәр кирәкмәгән, тиешсез тупас сорау бирсәгез, кирәгегезне алырсыз.

Сукояр.

Сукоярлар бүген логика (ягъни мантыйк) патшасы. Ничек кенә булса да, очына чыгарлар да, елмаеп яңа маҗараларга чумарлар.

Балык.

Котлыйбыз, балыклар! Уңыш сезне бүген кочаклап түгел, ә маңгаегыздан суырып үбеп алды! Ә нәтиҗәсен безгә языгыз. Көтеп калабыз...